Enqere

Li Meclisa Tirkiyeyê mebûsên AKP'ê êrîşê mebûsên muxalefetê kirin: Ertugrul Kurkçe,Sebahat Tuncel, Musa Çam ve Mahmut Tanal birîndar bûn.

Li Meclisê îro zagona ku AKP'ê anî meclisê, zagona ku gelek rayeyan dide polîsan dihat nîqaşkirin. Ji bilî AKP, MHP, CHP û HDP, her sê partî jî dijî vê zagonê ne. Ji bo destpêkê rûniştineke veşarî ku rojnameger negirtin hundir li dar ket. Di wê rûniştinê de di navbera mebûsan de pevçûn derket.

Mebûsê HDP'ê Ertugrul Kurkçu wisa qala bûyerê kir: "Mebûsên AKP'ê bi girseyî êrîş kirin. Dema min xwest pêşî li kulmên bi ser Sebahat Tuncel de diweşînin bigirim ji serê xwe birîndar bûm. Bi mîrkut, zengil û kursiyên hesinî êrîşê me kirin."

Kurkçu got ku mebûsên AKP'ê ji bo vê zagonê ne sibê hema îro bînin meclisê di nav hewldanek mezin de bûn. Me ji aliyê isûlê ve mafê axaftinê xwest, lê Wekîla Serokê Meclisê ya AKP'yî Ayşenur Bahçekapili ji dêvla mafê gotinê bide Wekîlê Serokê Koma HDP'ê Îdrîs Baluken, gotin da Elîtaşê AKP'yî. Li ser vê yekê mebûsên HDP'ê Pervin Buldan û Sebahat Tuncel ber bi kursiyê ve meşiyan, wê demê de mebûsên AKP'ê bi girseyî êrîş kirin.

Kurkçu got ku AKP vê zagonê derxe dê polîs çawa bin mînaka wê me îro li meclisê dît û vê yekê zêdetir hêz da me ku em dijî vê zagonê derên.