Ebdulhemîd Bamerrnî

Stirana Evînê:

Ev malikên li jêrî bên, her wekî diyar e ji layê keşekê (jineke oldar) ve, li dûv taûrêzên (merasîmên) serê sala nû, yên ku ji xondkar (qiral) Şusîn ê, xweştivyê xwe re, gotine:.

Dezgir, yê li ber dilê min biha
Ciwaniya te ya şêrîn wekî hingivînî
Şêrê li ber dilê min pirr biha
Ciwaniya te ya şêrîn wekî hingivînî

Te ez di serda birim, rê bide bi velerzîn ve, li ber te rawestim
Dezgir, min diviya te bi xwe re birbame jora nivistinê
Te ez di serda birim, bihêle bi verreqsîn ve li ber te rawestim
Şêro, min diviya te ez bi xwe re birbame jora nivistinê

Dezgir, rê bide min, ez te bi evînê ramûsim,
ramûsanêt min dilvekerin, xweştirin ji hingivînî
Di jora nivistinê ve hingivîn şêrîntir e
We bike ez xweşiyê bi ciwaniya te ya şêrîn bibim
Şêro, bihêle ez te bi evînê ramûsim,
ramûsanêt min dilvekerin xweştirin ji hingivînî

Dezgir, ya te viyay te ji min wergirt
bêje dayika min ew dê tiştêt xweş bide te,
dê bavê min diyariya bide te

Ez dizanim dê giyanê te bi çi giyanî helkulim
Dezgir, heta sibehî li mala me binive
Ez dizanim dê dilê te bi çi dilî bişkorrînim (bibişirînim)
Şêro heta sibehî li mala me binive

Tu, çinkî tu hez ji min dikî
Hêvî dikim hindek ramûsanên xwe yên xweş bide min
Serdarê min û xwedayê min, serdarê min, berrevanê min
Şusînê min, yê ku dilê Enlîlê xweş dike
Hêvî dikim hindek ji ramûsanên xwe yên xweş bide min

Têdîtin:
1_ Wergêran ji elmanî bo kurdî: Ebdulhemîd Bamerrnî
Ji Pirrtûka;
Die Frühzeit des Menschen, rûpel 104
Die ersten Städte, von: Dora Jane Hamblin
Der Time_ Life_ Bucher

07/10/2008

zanabamarni@hotmail.de

  
 ***

Nivîsên Ebdelhemîd Bamerrnî yên ku berê di Diyarnameyê de hatine weşandin:

- Dengên demê zwî

- Li Duhokê nexweşketin qedexeye!

- Çi renge Zaravekî li Kurdistana Iraqê fermî biken!? (2)

- Çi renge Zaravekî li Kurdistana Iraqê fermî biken!?

-