Diyarname

Jinek bi navê Ummugulsum Coşkun ku niha 85 saliye pirtûkek helbestan weşand.

Ummugulsum Coşkun li bajarê Kayseriyê Tirkiyeyê dijî. Wê ji 18 saliya xwe ve helbest nivîsandine lê heta niha ew çap nekirine. Di wê temenê xwe yê 85 salî de ew helbest wekî pirtûk çap kirin.

Kurê Ummugulsum Coşkun yê bi navê Bahrî Coşkun dibêje li nav malbata wan gelek kes hete helbestan dinivîsin û wisa didomîne: "Diya min ji sala 1940'î ve bi qasî ku dizane helbest nivîsîne. Jixwe gelek helbestên xalê min hene, pirtûkên wî jîhene. Apê min Yunus Bekir ew kes e ku li Kayserî yekemîn rojnameya bi tirkî derxistiye, gelek helbestên wî jî hene. Me berê pirtûka apê min Yunus Bekir jî derxistibû. Diya min piştî ew dît xwest helbestên xwe bidi hev û em wekî pirtûk çap bikin."

Ummugulsum Coşkun jî dibêje ku piştî 2 zarokên wê mirine zêdetir berê xwe daye helbestan û bûyerên derketine jî kirine ku ew helbestan binivîse. Coşkun wisa dibêje: "Di zarokatiya min de hezkirina min a ji bo helbestan çêbû. Malbata me hezkirê xwendin û nivîsandinê ye. Birê min Alî Riza Onder hê ez 5 salî bûm li hev kom dikirin û pirtûk ji bo me dixwend. Me jî guh didayê. Herî zêde çîrokên Yunus Emre û Dede Korkut dixwend. Di wê zarokatiya xwe de ez ketim bin bandora helbestên Yunus Emre. Piştî wê her ku hat bîra min, min nivîsandin. Li ser mijarên min jê hez kir, carinan li ser kesên ez ji wan hêrs bûm, li ser dizan, li ser mirovên ez ji wan hez dikim û bûyerên ez ketime bin bandora wan min kirin helbest."

Coşkun dibêje ku hê jî her ku Xwedê dike nesîb ez dinivîsim.

ÎHA