Diyarname
Pirtûka helbestan a bi navê “Serêkaniyê” ku ji aliyê Dîlan Şewqî ve hatiye nivîsandin, ji Weşanên Nûbiharê derketiye.

Dîlan Şewqî ji Rojava ye, di sala 1970’yî de hatiye dinê. Ew ji sala 2011’an ve li navçeya Kûlûya Konyayê dijî. Berê jî hin pirtûkên wê li Qamişlo derketine. Dûre hin pirtûkên wê li Stenbolê ji aliyê Avesta û Nûbiharê ve hatine weşandin. Û niha pirtûka wê ya dawî, bi navê “Serêkaniyê” li ber destê xwendevanan e.

Edîtoriya vê pirtûkê qunciknivîskarê Diyarnameyê, helbestvan Yeqîn H. kiriye.

Va ye parçeyek ji pirtûkê.

Demekê ku em destar bûn 
em hawara te bûn welato 
Me rişk û spiyên nezaniyê 
ji nava serê te derdixistin 
em destek bûn
Kevneşopî
tejika bin nigê me bû
Me tirs hêrabû 
me bêyî navê te tu tişt nedixwest
me bêyî navê te tu tişt nedidît
...

- Serêkaniyê / Dîlan Şewqî / Nûbihar / 2025 / Helbest /106 rûpel