Diyarname
Maça duyem a Fenerbahçe û Sevillayê li sehaya Sevilla li Spanyayê lidar ket. FC Sevilla bi Palop, Dragutinoviç, Alves, Adriano, Navas, Poulsen, Fabiano, Kanoute, Escude, Capel, Keita, Fenerbahçe jî bi Volkan, Lugano, Wederson, Kezman, Aurelio, Alex, Selçuk, Uğur Boral, Edu, Gökhan, Deivid dest bi maçê kir.

Di deqîqe 5 de ji Sevillayê lîstikvan Alves ji lêdana serbest de raste rast gog avêt kelehê û gol avêt: Sevilla 1-0 Fenerbahçe...

Di deqîqeya 9'an de Sevilla dîsa goleke avêt. Vê carê Keita ji 25 metreyan bijid li gogê da û gola xwe avêt:  Sevilla 2-0 Fenerbahçe...

Û di deqîqeya 20'î de Deivid gola yekem a Fenerbahçeyê avêt. Di vê deqîqeyê de Fenerhabçeyê lêdana quncikê sehayê pêk anî, gog hat ber Deivid û wî jî gola xwe temam kir.

Di deqîqeya 41 de Kanoute gol avêt, encam: 3-1

Beşa yekem a maçê bi 3-1 bi serketina Sevilla bi dawî bû.

Di beşa duyem a maçê de, deqîqeyê 79'an de Deivid careke din gol avêt û skor bû 3-2. Maç bi vê skorê bi serketina Sevilla bi dawî bû. Ji ber ku di maça berê ya di sehaya Fenerbahçê ya li Stenbolê de jî maç bi heman skorê li bi serketina Fenerbahçeyê bi dawî bûbû, maç çû dema dirêj. Di 30 saetan dirêj ajotina vê demê de jî encam neguherî û derbasî beşa avêtina penaltiyan bûn.

Di penaltiyan de Fenerbahçeyê ji Sevilla zêdetir gol avêtin û derbasî çarîkfînalê bûn. Fenerbahçe di dîroka xwe de yekem car di Lîga Şampiyonan de derbasî çarîk fînalê dibe.

Di Lîga Şampiyonan de hin tîmên ku derketin çarîk fînalê diyar bûn:  Barcelona, Manchester United û Arsenal

Di maçan de Barcelonayê Celtic, Manchester Unitedê Lyon û Arsenalê jî Mîlan têk bir û derbasî çarîk fînalê bûn.