.jpg)
Diyarname
Li gor encamên ne fermî Demokrat Barack Huseyîn Obama bû 44'emîn Serokê DYA'yê.
Li gor encamên ne fermî di hilbijartina Dewletên Yekbûyî yên Amerîkayê (DYA) Obama dengê zêdeyî 270 delegeyî bi dest xistin û bû 44'emîn Serokê DYA'yê.
Li Amerîkayê zemanekî mirovên çerm reş mafê wan ê bikaranîna dengan nîn bû, niha yek ji wan bû serok. Ev di dîroka DYA'yê de gava yekemîn e.
Ev çend meh in guh û çavên dinyayê li ser hilbijartiya li DYA'yê bû û niha encam hat. Li gor encamên pêşî Obama dengê 297 delegeyên hilbijêr ên taybet girtiye, John McCain ê Komarparêz jî dengê 139'an bi dest xistiye.
Di eyaletên wekî Ohio, Florida û Virginia ku hem krîtîk bûn û hem jî qedera hilbijartinê diyar dikirin li van deran Obama reqîbê xwe têk bir.
Bi taybetî li Virginia û Qesra Spî ku ev 40 sal in dengên xwe didin Komarparêzan vê carê Obamayê Demokrat ji wê derê deng girt û pişta Komarparêzan şikand,
Bi derketiha holê ku Obama bi ser ket re Demokrat herikîn Qada Timesê û dest bi pîrozbahiyan kirin.
Amerîkayiyan di vê hilbijartinê de ne tenê serok, ji sisêyan yekê Senato û temamê Meclisa Nûneran jî hildibijêre.
Vê hilbijartinê de beşdariyeke gelek mezin a di asta rekorê de jî hebû. ji 220 mîlyon hilbijêrî 130 mîlyonî zêdetir kesî deng dayê.
Komarparêz McCain têkçûn qebûl kir û Obama pîroz kir. McCain got, "Gelê Amerîkayê axivî" û wiha berdewam kir: "Ez bi telefonê li Obama geriyam û min ew pîroz kir. Obama heta niha reqîbê min bû, êdî serokê min e."
Her wiha Obama jî ji McCainê ku têkçûn qebûl kir xwest ku di rêvebirina welat de alîkariyê bike.
Serokê niha yê DYA'yê George W. Bush jî Obama pîroz kir.
Barack Obama di serê sala 2007'an de berendamtiya xwe eşkere kiribû û bi berendama din a Demokratan Hillary Rodham Clinton re ketibû nav qayişkêşaneke mezin. Di dawiyê de Obama ji vê bi ser ketibû.
Di meha pûşpera 2008'an de berendamtiya Obama diyar bû û Obama bi diruşma "Guherîn"ê dest bi kampanyayê kir.
Obama di axaftina ji bo alîgirên xwe de wisa got: "Guherîn hat Amerîkayê, xewn bû rastî."
Nûçeyên eleqedar:
.jpg)
