Diyarname
Kesên ku qeyda wan di nav lîsteya hilbijêran de nîn be divê di nav hefteyekê de xwe qeyd bikin.

Ji bo hilbijartina rêveberiyên herêmî lîsteyên hilbijêran li muxtariyan hatine daliqandin û heta 5'ê berfanbarê dê lîste daliqandî bimîne. Kesên ku navên wan di lîstiyê de nîn bin dê nikaribin di hilbijartinê de dengên xwe bikar bînin. Ji bo kesên ku neqeydkirîne divê heta hefteyekê herin muxtariyê ku cihê lê rûdinin û xwe qeyd bikin. Ji bo vê yekê deriyên muxtariyan rojên şemî û yekşeman jî vekirî ne.

Hin agahî li ser vê yekê:
Ji bo hûn xwe qeyd bikin divê pêşî herin li Midûriyeta Nifûsê ya Navçeyê xwe qeyd bikin û bi "Qeyda navnîşanê" ku ji wê derê bigirin biçin serî li muxtariyê bidin.
Li Amedê kesên ku alîkarî bixwazin dikarin serî li Midûriyeta Şaxa Pergala Agahiyan a Bajêr ya Şaredariya Bajarê Mezin a Amedê bidin.

Kesên ku ne qeydkirî bin dê nikaribin di hilbijartina 29'ê adara 2009'an de dengên xwe bikar bînin.