Diyarname

Di hilbijartina 7'ê pûşperê de AKP yekemîn, CHP duyemîn derketibû ku ev mehek bû her du ji bo çêkirina koalîsyonê bi hev re dişêwiriyan, lê îro piştî hevdîtina Serokê AKP'ê Ahmet Davutoglu û Serokê CHP'ê Kemal Kiliçdaroglu derket holê ku koalîsyon çênabe.

AKP'ê ji CHP'ê xwestiye ku koalîsyoneke demkurt çêbikin, CHP'ê jî ev yek qebûl nekiriye û koalîsyonek demdirêj pêşniyar kiriye.

Piştî ku diyar bû dê koalîsyon çênekin niha dê çi biqewime?

Ji 13'yê meha borî ve ev hedîtina her du partiyan dom dikir. Yanê bû mehek. Li gor zanonên Tirkiyeyê di 45 rojan de hikumet çênebe hilbijartina pêşwext çêdibe.

Ger piştî van 45 rojan, yanê 15 roj mane ku 45  temam bibe dê biryara hilbijartinê bê dayîn. Ev yek jî li gor zagonê 3 meh e, di nav 3 mehan de mecbûr e hilbijartin çêbe. YSK'ê (Lijneya Bilind a Hilbijartinê) demek berê ragihandibû amadehiyên wan hene dikarin 63 rojan de jî hilbijartinê çêbikin.

Ji bo 45 rojan di van 15 rojan de yan Davutoglu dê bi MHP'ê re jî biaxivin ku bi hev re koalîsyonê çêbikin an na, yan jî raste rast dê rayeya ku ji Serokomar girtibû bi paş ve bide. Ger rayeyê bi paş ve bide Serokomar, Serokomar mecbûr e rayeyê bide partiya duyemîn, yanê CHP'ê ku ew jî biceribîne ku Koalîsyon bê çêkirin yan na...

Her tişt di nav çend rojên pêşiya me de dê diyar bibe.