Diyarname

Hevserokê Giştî yê HDP'ê Selahattin Demirtaş li Îzmîrê axivî û got: "PKK gere bê 'lê'yê çalakiyên bi çek, yên bi bombe, yên li bajar û çiyan bide rawestandin. Ji bo me alternatîfek din tune ye. Sûcên ku AKP dike bi kuştina leşker û polîsan hesab nayê pirsîn."

Demirtaş li Navenda Kongreya Tepekule ya Îzmîrê ligel endamên çapemeniyê axivî. Vaye ji gotinên Demirtaş çend not:

- Ne sibê, vê saetê ji Îzmîrê dixwazim bang bikim, bila mirin di cih de bêne rawestandin. PKK gere bê 'lê'yê çalakiyên bi çek, yên bi bombe, yên li bajar û çiyan bide rawestandin. Ji bo me alternatîfek din tune ye. Sûcên ku AKP dike bi kuştina leşker û polîsan hesab nayê pirsîn. Ew hemû zarokên vî welatî ne, zarokên me ne, em wisa dibînin. AKP jî ji bo xumandina sûcên ku kirine nikare li bajaran, çiyan zarokên kurdan bide kuştin. Emê destûrê nedin vê yekê jî. AKP'ê şer da dest pê kirin; bi şandina cenazeyan ji bo bajaran dixwaze ji nav zora lê hatiye kirin derkeve û şîdetê bixe nav civatê, em destûr nadin vê yekê."

- Di hilbijartineke nû de yên alîgirê aştiyê ne dê bi ser bikevin, AK Partî dê nikaribe xwe bigihînin dengên ku di hilbijartinên berê de girtine.

- Têkiliya fermî bi şaredariyên xweserî ragihandine re tune ye. Ew bi çek, bi şîdetê xweseriya demokratîk naxwazin lê rêveberiya navenda li Tirkiyeyê nayê. Ragihandina xweseriyê asta serhildana gel a li taxan, şaredariyan e, ne ku daxiyaniya 'Em dewletê nas nakin' e."

- Hikumeta Hilbijartinê ne hikumeta AKP'ê ye. Em nakevin nav hikumeta AKP'ê. Ev hikumetek hilbijartinê ye ku li gor Zagona Bingehîn tê çêkirin û mafê me ye em di nav de bin û vîna gel li wir nîşan bidin. Ji 6 mîlyon kesên ku deng dane mafê 3 wezîrî didin me.. Ji bo hilbijartin adil derbas bibe, ji bo ewlehiya vê divê em di nav vê hikumetê de bin. Li hemberî kesên ku dixwazin biryara şer bigirin em dê di nav de bin, em nekevin navê AKP dê bernameya xwe ya hilbijartinê li ser me ferz bike. Ez li hemberî biryara partiyên din hurmetê nîşan didim.

- Feraseta DAIŞ'ê ya tekfîrker ev e. Li ser vê yekê hebûna xwe didomîne. Bi nêzîkatiyekî faşîzan a ku ne li gorî îslamê ye dixwazin vê biafirînin. Bi serjêkirin û bi firotina jinan a li bazaran vê dikin. Li Tirkiyeyê niha feraseta tekperest a ku dixwazin pêk bînin bêhtir nîşan didin. Dibêjin bi AKP'ê re çi eleqeya vî heye. Lê di vê xalê de dişibin hev. Dema ku em dibêjin, em neşibin Sûriyeyê, em dibêjin ku wekî HDP'ê bin. Em dibêjin bi cudatiyê xwe ve bin. Ev ancax bi bi hev re jiyanê û demokrasiya radîkal ve pêkan e. Heta dixwazin ev yek bê çareserkirin divê wekhevî û edalet hebe. HDP ji ber vê yekê polîtîkaya ku demokrasiya radîkal esas digire parast."

- Me tenê ji bo hilbijartinê HDP'ê ava nekir. Li ser mîrateyên hemû şoreşgeran, me HDP ava kir. Em ê di her hilbijartinê de bi ser bikevin û di her hilbijartinê de mezin bibin. Em xwe dispêrin gel û dîrokeke gelekî cidî. Dîrokê her tim ev nivîsandiye. Li tevahiya Rojhilata Navîn bigerin, hûn ê qesrên hatine hilweşandin bibînin, lê gelên hatine hilweşandin tu carî hûn nikarin bibînin. Gelên me li her cihî rabûye ser piyan. Ji bo me mijara lezgîn ne hilbijartin e, aştî ye.