ENQERE
Êvara 8'ê mehê komek faşîst bi diruşman ber bi Navenda Giştî ya HDP'ê ku li Enqereyê ye ve çûn. Polîsan ew belav nekirin. Ligel ku li ber avahiya navenda HDP'ê her polîsên ewlekariyê hene jî îro wan jî tiştek nekir. Û vê koma faşîst pêşî cam û pencere şikandin, dûre jî agir ber dan avahiyê. 

Li avahiyê sê xebatkarên HDP'ê hene û ew hê li avahiyê dîl mane.

Yek ji kesên di avahiyê de dîl maye Ahmet Yavuz e û wî got ku ligel me ji polîsan re got mudexele bikin jî gotin tiştek nabe.

Avahiya HDP'ê jêrzemîn jî têde 4 qat e. Bi taybetî qata diduyan de ji ber agirberdanê zerarek mezin çêbûye. Ev qat wisa şewitî ku êdî nayê bikaranîn. Belgeyên di vê qatê de jî hemû şewitîn.

Her sê xebatkarên li avahiyê bû di dema şewatê de derbasî qata jortir bûn û piştî îtfaiye hat xilas bûn. 

Heta niha nehatiye dîtin ku li welatekî ew qas mebûsên wê li parlemenê hebin, 6 mîlyon deng girtibe û komek faşîst hatibin navenda giştî dabin ber agir.  

Ji duh de bi dehan bajaran faşîstan êrîşê navendên HDP'ê kirin. Bi dehan avahiyên HDP'ê rastî êrîşa faşîstan hatin. Li Kirşehîrê komek faşîst di bin çavdêriya di bin çavdêriya polîsan de êrîşê ofîsa HDP'ê kirin. Her wiha li heman bajêrî Gul Kitapevi ku aîdê Eşref Odabaşi bû ku Odabaşi ji HDP'ê berendamê şaredariyê bû.

Ev nûçe 22.00'yan de hatiye weşandin  û dûre hatiye nûkirin