STENBOL

Hevserokê Giştî yê HDP'ê Selahattin Demirtaş, beşdarî konên sersaxiyê yên di komkujiyê de jiyana xwe ji dest dane bû û hikumet şermezar kir. Demîrtaş, diyar kir ku hikumetê kujerên Amed, Pirsûs û gelek cihên din hê eşkere nekirine û wiha got: "DAIŞ di bin parastina Serokwezîr de ye." 

Hevserokê Giştî yê HDP'ê Selahattin Demîrtaş, îro jî beşdarê konên sersaxiyê yên şehîdên Aştiyê ku li Enqereyê di komkujiyê de jiyana xwe ji dest dan bû. Demîrtaş, di ziyaretên şînê de ji malbatan sersaxî xwest û hikumeta AKP'ê rexne kir. Li gel Demirtaş Wekîlên HDP'ê Celal Dogan û gelek rêveberên din jî amade bûn. Demîrtaş, ewil şîna Fatma Esen a li Komeleya Dihê ya navçeya Fatihê hatiye avakirin ziyaret kir. Demîrtaş piştî sersaxiyê axivî û da zanîn ku ji ber wan ev kes ne parastin e û jiyana xwe ji dest dane pir xemgîn in û ew para berpirsiyariya xwe ya di vê komkujiyê de dibînin.

Demirtaş, wiha got:"Em berpirsiyarî û kêmasiyên xwe qebûl dikin. Lê dewlet hê vê yekê qebûl nake. Rayedarên dewletê îstîfayê jî ji bo xwe wekî zilmê dibînin." 

'Ji bo em cenazeyên xwe negirin êrîş kirin'

Demîrtaş bal kişand ser êrîşên polîsan û wiha got: "Destûr nedan ku cenazeyan û birîndaran rakirin. Polîsan ji bo cenazeyên xwe ranekin êrîş kir. Kesên 2 rojan çalakiya boykotê kirin jî rastî êrîşan hatin. Destûr nadin ku em li cenaze û birîndarên xwe jî xwedî derkevin. Serokwezîr got 'Ev êrîş li dijî me pêk hatiye. Lê we bi xwe êrîşî cenazeyan dikin. Polîsan bombeyên gazê avêt nava kuştiyan û birîndaran. Ev çawa biratî ye. Li Amedê û Pirsûsê jî heman dîmen pêk hatin. Dewlet qatîlê dewamî ye. Em dibînin ku DAIŞ ji aliyê Serokwezîr ve tê parastin. Hê hikumetê der barê komkujiya Amed û Pirsûsê de bûyer ronî nekiriye. We çima Midûrê Polîsan ê Amedê terfî kir? We çima bombevan negirtin? We çima piştgirê bombekarên Enqereyê negirtin? Her roj bi sedan kes tên binçavkirin. Ji ber ku DAIŞ ji aliyê Serokwezîr ve tên parastin." 

Demirtaş piştî ziyareta şîna Esen derbasî navçeya Zeytinburnu bû û çû cihê şîna Dicle Delî.

**

Nûçeya eleqedar:

- Çapemeniya dinyayê cihek fireh da komkujiyê 

- Tarkan: Berjewendiyên şexsî deynin aliyek, taqeta me nema 

- 'Yên li dû me dikenin çawa emê bi wan re bên ba hev?' 

- Bi hezaran kes li Sihiyeyê kom bû 

- Navên kesên ku mirine  

- Analîz: Ew der her bi ewlebû, îro çi bû? 

- Li mîtînga aştiyê teqîn, mirî û birîndar hene