Diyarname

Derhênerê tirk Memduh Un ku  hem lîstikvanê fûtbolê, lîstikvanê fîlma, senaryo nivîs û derhênerê fîlman bû îro li Bodrumê wefat kir. Un li dû xwe bi dehan fîlm hişt.

Un di sala 14'ê adara 1920'î de hatibû dinê. Wî ciwaniya xwe de wekî profesyonel lîstikvaniya fûtbolê kiribû ku dema sala 1940-41'ê de Beşiktaş bû şampiyan ew jî di nav vê tîmê şampiyon de bû. Piştî ku ew ji fûtbolê vediqete di sala 1947'an ed bi navê Turhan Un derbasî i sînemayê dibe û di fîlman de dilîze, paşê di sala 1951'ê de ligel Arşavir Alyanak "Yakut Fîlm"ê ava dike; dema aliyê xwe yê derhêneriya fîlman pêş dixe vê carê li ser navê "Ugur Fîlm" ava dike. Wekî derhêner yekem fîlm bi navê "Yetim Yavrular" (Zarokên Sêwî) dikişîne û heta niha bi ser 50'î re fîlm kişandibû. Ji romana Yaşar Kemal "Agri Dagi Efsanesi" (Efsaneya Çiyayê Agirî), ji romana Muzaffer İzgu "Zikkimin Kokou", ji romana Orhan Kemal "Kaçak" bi heman navî dikişîne. "Kanli Nîgar", "Garip", "Gulsum Ana", "Yarali", "Kadinim" jî di nav de gelek fîlm pêşkêşî sînemaya tirk kir.

Di fîlmên piraniya fîlmên Un de Fatma Girîk wekî lîstikvan cih digire. Her wiha Un ligel Kemal Sunal jî gelek fîlm kişandin.

Un ku ji sala 1960'î ve ligel Fatma Girîk dijiya, ji 11'ê sermaweza 2014'an ve li Bodrumê dihat derman kirin.