Diyarname

Mebûsê HDP'ê yê Enqereyê Sirri Sureyya Onder li ser hilbijartinê nirxandin kir û got ewê li Enqereyê hejmara mebûsên xwe derxin 2'yan. Onder got, "Mustafa Sarisuluk êdî mebûsê me ye."

Her wiha Onder li ser Stenbolê jî got ku ew dê hejmara mebûsên xwe derxin 13'yan.

Berî hilbijartina 7'ê pûşperê HDP'ê qet mebûs dernexistibûn. Di vê hilbijartinê de HDP'ê tenê mebûsek (Sirri Sureyya Onder) derxistibû. Dîsa di wê hilbijartinê de li Stenbolê jî HDP'yê yekem car 10 mebûs derxistibû. Li ser hilbijartina 1'ê sermawezê ku du roj man, Sirri Sureyya Onder nirxandinek kir û diyar kir ku ew dê hejmara mebûsan zêde bikin. Onder wisa got: "Li hin bajaran dê hejmara mebûsên me zêde bibe. Li Enqereyê emê hejmarê derxin 2'yan. Mustafa Sarisuluk ji niha de mebûsê me ye. Li Konyayê emê hevalekî derxin. Li Stenbolê emê hejmara mebûsên xwe derxin 13'yan. Dîsa ji Aydin û Manîsayê jî dê mebûsên me çêbin. Li herêmê mebûsek ku me dabû desthilatdariyê emê wê jî jê bigirin. Li Mûş û Batmanê bi temamî mebûsan emê bigirin. Li ÎzmÎrê jî herî hindik emê diduyan zêde bikin."

Onder piştî nirxandina hejmara mebûsan herî dawî got: "Ev hilbijartin hilbijartina rûmet û heysiyetê ye, lê di heman demê de hilbijartina ewlehiya can e. Em canên xwe teslîmê yên qedrê canê nizanin nekin."