Diyarname

Hevserokê HDP'ê Selahattin Demirtaş di Konferansa HDP'ya Stenbolê de axivî û got: "Ji bo em şêweya xebata xwe ya berê li dû xwe binêhêlin divê em zêtir biryarê bigirin em ber bi kongreyê ve diçin."

Konferansa HDP'ya Stenbolê li Salon Fîgaro li dar ket. Di konferansê de pankartên wekî "Li hemberî faşîzmê demokrasiya pirdengî xwebirêvebirin", "Sibê em îro de ava dikin" daliqandin. Demîrtaş axaftina despêkê kir.

Vaye ji gotinên Demîrtaş çend not:

- Li Rojhilata Navîn parvekirina emperyal ya nû li dar dikeve. Ya muhîm em sibê ji îro de ava bikin. Hemû kadroyên partiya me dikarin siyaseta Rojhilata Navîn tehlîl bikin. Tiştê kêm ew e ku ev tehlîl nakevin pratîkê.  Em wekî masiyên sor ên di okyanûsê de li hemberî ahtapotê şer dikin in. Kêmasiyên vî ahtapotî hene. Wekî 7'ê pûşperê em dikarin vî ahtapotî bêbandor bikin, baskên wî bişkînin."

- Şêweya xebatên berê çi hebe em ji bîr bikin. Yên li hemberî me bêehlaq, bi hêzek bêpîvan êrîşê me dike, em bi şêweya berê têbikoşin emê tenê ji bo wan xizmetê bikin. Emê firsendê bidin wan ku qada civakî bikar bînin. HDP ber bi biryardayînek krîtîk û kongreyê ve diçe.

- Zilam nêzî sedî 50 deng girtiye ji me ditirse. Dizane vê sedî 50 dê çawa bigire. Ergenekonê, MGK'ê li hemberî me bikar tîne, xwest bi vê me têk bibe.

Şêweya nû divê

- Xeta me êdî bandorê li hevkêşeyên Rojhilata Navîn dike, di siyasetê de diyarker e. Wisa bandor e dikare ji bo yên li dinyayê têne çewsandin bibe hêvî. Bi qasî ku reqîbên me bi awayekî cidî li me dinêrin, divê em jî wisa cidî li xwe binêrin. Gere em şêweya nû ya çalakiyan li dar bixin, em wisa nekin emê bi destê xwe ji wan re bibêjin 'Werin gelên me biçewsînin.'

YE bêdeng e

- Serokomar Erdogan dibêjin 'Ez eniya polîsan maçî dikim'. Wateya vê ev e ku sivîlan qetil bikin, tiştek bi we nabe, kes we nadarizîne.

- Ji bo Tirkiye penaberan bigire nava xwe Yekîtiya Ewropayê bêdeng e, çav li binçavkirinên mafên mirovan ên Tirkiyeyê girtine. Amerîka jî bi ser Încîrlîkê re bazarî kiriye. Ji bo HDP'ê têk bibin hemûyan li hev kiriye. Lê me her karî karê hemûyan tevlihev bikin.

- Ji TV'yek jinek banga aştiyê kir di cih de ev jin lînc kirin, yê bernameyê çêdike hat lînckirin. Çima kesek dibêje 'bila mirov nemirin' ditirsînin? Ne mamoste Ayşe, dixwazin yên li dû mane bidin tirsandin. Wateya ew qas êrîş û çewsandinan ev e.

AKP'ê ferman daye çapemeneyê

- Di tu hilbijartinê de çapemenî piştgirî neda me û me tu peymana berjewendiyan saz nekir. Di serî de Çapemeniya Dogan hemû çapemeniyê êrîşê me kir. Berî 7'ê pûşperê ez beşdarî 6 bernameyan bûm, reqîbên me derketin 170 bernameyan. Wekî ku peymanek di navbera Çapemeniya Dogan û me de hebe êrîş kirin, operasyona wan didome. Sedema ku çapemenî ew qas êrîşê partiya me dike ew e ku AKP'ê ferman daye çapemeniyê. Ligel Çapemeniya Dogan peyman çêkirni, gotin hûnê Ahmet Hakanî ji kar neavêjin sibê-êvarê dê propagandaya AKP'ê bike. Dikin çapemeniya muxalif jî bêdeng bikin. Nûçegîhanên DÎHA'yê têne girtin. Gerînendeyê Cumhuruyetê tewqîf kirin.

Ji bo AKP'ê îşkencekirina li cenazeyan serbest e

- Em mecbûr in her dem bi hêvî bin. Di dema pêşiya me de ev hêza bêpîvan dê dîsa dê êrîş bike. Di baweriya AKP'ê de îşkencekirina li cenazeyan serbest e, hemû zordarî serbest e. Îslamê li gor xwe dijî, li gor planên xwe saz dike. Fetwayên şaş didin. Baweriya wan ew e "Vê ji bo ola xwe, welatê xwe dikin'. Ew zarokan, pitikan qetil dikin. Cenaze li kuçeyan ji bo rizînê hatine hiştin. Lê Ji bo aliyê rojavayê Tirkiyeyê dibêjin 'Hêzên misliman li hemberî artêşa Xaçperestan şer dike'. Ma ol ev e?

Rêyek nû

- Bi ser cenazeyên li erdê dihêlin de dixwazin gelê kurd bêrûmet bikin. Dixwazin baweriya gelê kurd a têkoşînê têk bibin. Bi van mînakan dixwazin nîşan bidin ku dikarin çi bikin. Dibêjin 'hewce bike em dê ji mirovahiyê derên, emê dest ji milîbûna xwe, ji faşîzma xwe bernedin'. Li hemberî vê zihniyetê divê em li her derê rêxistinê çêbikin. Berê ji ber ku civakê nekarî xwe biparêze rastî komkujiyan hat. Vê carê gelê Rojhilata Navîn divê li gor vê xwe birêxistin bikin. Hemû rawestanên berxwedêr ên berê em wan biparêzin lê çi şêweya xebatê ya berê hebe em vê ji bîr bikin û bikevin ser rêyek nû.