STENBOL (DÎHA) 

Rojnameger û nivîskar Faîk Bulut ê polîtîkaya Tirkiyeyê ya Rojhilata Navîn û penaberan nirxand diyar kir ku bazara Tirkiyeyê û Ewropayê beramberî bêdengiya ji bo qatlîamên li Sûr û Cizîrê hatiye kirin. Bulut got ku Davutogluyê ku ji bo Alan Kurdî "xemgîn" dibe yek ji wan kesan e ku rê li ber vê êşê vekiriye.

Piştî ku Hêzên Sûriyeya Demokratîk (QSD) ber bi Ezazê ve pêşde diçin û balafirgeha Minixê ji çeteyan rizgar kirin rêveberên AKP'ê gotinên xwe yên dijberiya Rojava zêdetir kirin. Ji nîqaşên wekî di navbera Tirkiye û Sûriyeyê de şer bibe yan na wêdetir gurkirina şer a Tirkiyeyê hem li derve hem jî li hundir bi xwe de geşedanên nû jî tîne. Rojnameger û nivîskar Faîk Bulut têkîldarî geşedanên dawî diyar kir ku Tirkiye bi piştgiriya welatên Kendavê mudaxalekirina Sûriyeyê dê bibe macerayek. 

Bulut destnîşan kir ku Tirkiye li ser dijberiya PKK'ê dike hincet û dixwaze YPG'ê wekî rêxistina terorê nîşan bide û wan bide qanîkirin lê nikare vê yekê bike ev yek jî nîşan dide Tirkiye di warê dîplomasiyê de îflas dike. Bulut bilêv kir ku ji ber Tirkiye plana xwe ya mudaxalekirina Sûriyeyê nikare bi welatên rojava bide qebûlkirin vê carê tekane qoza xwe ya penaberan bi kar tîne û Tirkiye li pişt derişan plana operasyona bejahiyê dike. Bulut da zanîn ku ne Amerîka ne jî Rûsya dê desturê nede vê yekê di operasyoneke de dê şerekî cihanê yê sêyemîn derkeve. 

'Bêyî destura Amerîkayê Tirkiye nikare tiştekî bike'

Bulut ev tişt anî ziman: "Hûn heke li çapemeniya rojava binêrin Recep Tayyîp Erdogan dikare dînîtiyekî bike. Di şevekî de bikeve îdiayekî bi vî rengî heye. Niha tê dîtin ku Tirkiye bêyî destura Amerîkayê nikare tiştekî bike. Heke ev dê bibe macerayek wekî xistina balagira Rûsyayê." Bulut diyar kir bazara ku li ser penaberan tê kirin tiştekî nû nîne, beriya hilbijartinan dema ku Seroka Almanyayê Angelia Merkel hate Tirkiyeyê teamulên dîplmatîk nehat û hate Tirkiyeyê " bazara penaberan" kir. 

'Ewroya ji ber pirsgirêka penaberan li hemberî Sûr û Cizîrê bêdeng ma'

Bulut destişan kir ku Ewropayê li ser Alan Kurdî propaganda û demogojî kiriye yê li hemberî bombebarana Erebistana Sûidî ya li dijî nexweşxaneyên Yemenê bêdeng maye, dramên li Sûr û Cizîrê neaniye rojevê. Bulut da zanîn ku Ewropa ji ber mijara penaberan li hemberî Sûr û Cizîrê dengê xwe dernexistiye, Serokwezîr Ahmet Davutoglu berpirsyarê Alan Kurdî û gelek drama ku penaber dijîn e. 

'Êrîşên YPG'ê yên terorê tune ye'

Bulut got ku YPD û YPG'ê bi saya Kobanî di qada navneteweyî de xwe daye qabûlkirin û di warê dîplomasiyê de bûye aktorekî navneteweyî û piştî vê Tirkiyeyê PYD wekî "xeta sor" daniye. 

Bulut diyar kir ku Tirkiye PKK'ê dike hincet û ji YPG'ê re dibêje terorîst lê di vî warî de nikare raya giştî qanî bike, ev yek jî nîşan dide ku di warê dîplomasiyê de îflas kiriye. 

Bulut anî ziman ku welatên wekî Amerîka û Rûsyayê bi vî bawer nakin û ev tişt got: "Pratîkekî YPG'ê yê terorê tune ye, êrîşî welatekî nekiriye, mirov nekuştiye, êrîşî Tirkiyeyê nekiriye. Hemû êrîşên devkî, leşkerî topebaran li dijî YPG'ê tê kirin." 

Faik Bulut got ku hêzên li pişt vî Tirkiye, Erebistana Sûidî, Qatar in û herî dawî wiha got: "Gotina Erdogan a 'di qada tirkmenan de DAIş tune ye' bînin bîra xwe. Li wî herêmê DAIŞ tune ye lê Sultan Murat, Ehrar El Şam, Nusra heye. PYD, YPG li dijî van şer dike."