Diyarname

Dewleta Tirkiyeyê operasyona li hemberî şaredarên kurd didomîne. Heta niha 21 hevşaredarên ji DBP'ê hatine girtin û 10 hevşaredar jî ji aliyê Wezereta Karên Hundir a Tirkiyeyê ve ji peywirê hatine girtin.

Ji meha tîrmeha 2015'an ve operasyonên li hemberî hevşaredarên kurd didomin. Dadgehê bi îdîaya "Xweseriya Demokratîk îlan kiriye" û "Dibe ku Xweseriya Demokratîk îlan bike" hevşaredar binçav kirin û girtin. Her çend Partiya Herêmên Demokratîk (DBP) di hilbijartina 2014'an de bi dengekî zêde hevşaredarên xwe hilbijart jî şaredarên ku gel ew hilbijartin ji aliyê hikumeta AKP'ê û dewletê ve hatin girtin. 

Vane hin agahiyên di vî warî de:

- Ji bajaran, Hevşaredara Culemêrgê Dîlek Hatipoglu û Hevşaredara Îdirê Şaziye Onder girtî ye. Ew bi sedî 66 dengan hat hilbijartin.

- Ligel 21 hevşaredaran, her wiha 10 endamên meclisên şaredariyan hatin girtin û 16 endamên meclisên şaredariyan ji peywirê hatin girtin. 

- Dewletê dest danîn ser makîneyên kar ên Şaredariya Bajarê Mezin a Wanê, Şaredariya Sûr, Pasûr, Bismil û Farqîna Amedê; yên Artemêt, Sîlopî û gelek cihên din...

Û li gorî agahiyên DBP'ê Hevşaredarên girtî ev in:

Culemêrg:

Hevşaredara Culemêrgê Dilek Hatipoglu li Sîncanê girtî ye. Hevşaredar Nurallah Çiftçî jî li Girtîgeha Kiriklarê girtîye û ji peywirê hatiye dûrxistin. 

Îdir:

Hevşaredara Îdirê Şaziye Onder girtî ye. 

Tuzluca:

Hevşaredarê Tuzlucaya Îdirê Mehmet Guntekin girtî ye. 

Xweşxeber:

Hevşaredarê Xweşxebera Îdirê Alî Çam girtî ye. 

Sûr:

Hevşaredarê Sûra Amedê Seyit Narin li Girtîgeha Kirikkaleyê girtî ye û ji peywirê hatiye dûrxistin. Hevşaredar Fatma Şik Barut jî li Girtîgeha Sîncanê girtî ye û ji peywirê hatiye dûrxistin. 

Farqîn:

Hevşaredara Farqîna Amedê Yuksel Bodakçi li Girtîgeha Sîncanê girtî ye û ji peywirê hatiye dûrxistin. 

Licê:

Hevşaredarê Licê Harun Erkuş Li Girtîgeha Amedê girtî ye. 

Artemêt:

Hevşaredara Artemêta Wanê Rojbin Sevil Çetin li Girtîgeha Sîncanê girtî ye û ji peywirê hatiye dûrxistin. 

Kerboran:

Hevşaredara Kerborana Mêrdînê Zeynep Sipcik girtî ye. 

Pirsûs:

Hevşaredarê Pirsûsa Rihayê Orhan Şansal girti ye. 

Giyadîn: 

Hevşaredarên Giyadinê Hazal Aras û Nizamettin Ozden girtî ne. 

Kop:

Hevşaredarê Kopa Mûşê Rahmi Çelik girtî ye. 

Qelqelî:

Hevşaredara Qelqeliya Wanê Handan Bagci girtî ye. 

Erdîş:

Hevşaredara Erdîşa Wanê Diba Keskin girtî ye. 

Şax:

Hevşaredara Şaxê ya Wanê Evin Keve girtî ye. 

Şemrex:

Hevşaredarê Şemrexa Mêrdînê Alî Ozkan girtî ye. 

Dêrik:

Hevşaredarên Dêrika Mêrdînê Sebahat Çetinkaya, û A.Kerim Erdem girtî ne 

Sîlopî:

Hevşaredara Sîlopiyê Emine Esmer girtî ye. 

Hevşaredarên ji peyvirê hatin dûrxistin û serbest in:

- Hevşaredarên Êlihê Gulistan Akel, Sabrî Ozdemir

- Hevşaredara Nisêbînê Sara Kaya

- Hevşaredara Cizîrê Leyla Îmret

- Hevşaredara Îpekyolu Aygul Bidav 

- Hevşaredarên Îkikopru Osman Karabulut, Hidayet Tiryaki 

- Hevşaredarê Bişêriyê Mustafa Ozturk