Diyarname
Navenda Çanda Mezopotamyaya (NÇM) Stenbolê îsal 2'yemîn Festîvala Çand û Hunerê da dest pê kirin. Festîval bi vekirina pêşangeha bi navê "Bîr" û nîşandayîna çend kurtefîlman ku her du jî li Salona Cezayîrê li dar ketin dest pê kir. Êvarê jî projeye taybet "Newayên Çarçira" dom kir. Di projeyê de rêwîtiya muzîkê ya ji dîroka kurdan bi deng û awaz, bi formên muzîkê derket ser dikê. Ev xebata ku serhildan, têkoşîn û şerên di dîrokê de pêk hatine kir mijara xwe, pêre jî mijarên eşq, jiyana xebatê û tiştên din ên rojane ku parçeyek ji vê têkoşîna dîrokî ye derket ser dikê. 

Stranên ji zaravên kurdî bi deng û awaza hunermendên Navenda Çanda Mezopotamyayê derketin ser dikê. Hunermend Ciwan Adar, Çiya Şenses, Ferit Elalmiş, Genim, Hîvda Gokel, Meral Tekçî, Nurcan Degirmencî, Nurhak Kilagoz, Rojda, Ruken Yilmaz, Serhak Kaplan, Serhat Kural, Weysî Ermîş û Zelal Gokçe stranên pêşkêş kirin. Bi taybetî strana Milkê Kurdan bal kişand. Her wiha strana Xelef jî bal kişand. 

Piştî konserê mebûsa HDP'ê ya Stenbolê Pervin Buldan derket ser dikê û li ser navê komê plaketek da hunermerd Rojda. Buldan wisa axivî : "Di avakirina NÇM'ê de keda kesên wekî Musa Anter, Feqî Huseyn, mêrê min Savaş Buldan çêbû ez wan bi bîr tînin.  Kesên dijî yên wekî Îsmaîl Beşîkçî keda wan jî çêbû em silavên xwe dişînin. NÇM'Ê her ji bo vê têkoşînê ked da ez bawerim ji niha û pêde jî dê bide. Ji bo vê projeya wan jî ez wan pîroz dikim."

Hemû bernameyê hûn dikarin ji vir daxin: 

HEMÛ BERNAME 

**

Nûçeyên eleqedar:

-  Bernameya Festîvala Çanda Kurdî hat eşkere kirin

- Konsera 'Newaya Çarçira' li dar dikeve 

- Yelda Abbasî û Tehsîn Xidir konsera xwe pêşkeş dikin