Diyarname
Li Îngilistanê Costa Coffeyê bi 2 hezar kesî re anketeke çêkir, di encamê de diyar bû ku ji her sê kesan yek jê qet nizane pêkenokek bîne ziman.

Wekî sedem jî hat diyarkirin ku bi derketina e-mail, malperên çapemeniya civakî û platforma parvekirina vîdyoyan çanda pêkenokan û qalkirina wan têk çûye.
Nîvê kesên ku beşdarî anketê bûne diyar kirine ku ew dixwazin pêkenokan bibêjin lê tu demê nikarin gotina dawî ya pêkenokan bînin ziman.

Ji her 10 kesan yekî/ê gotiye naxwazin balê bikişînin, ji her 20 kesan yekî/ê jî gotiye ku ew dema henekek dikin şerm dikin.

Sedî 13'yê beşdaran gotiye dixwazin ji ser e-mailê pêkenokê bi hev re par ve bikin, sedî 20'î jî gotine, ew tiştek li ser înternetê par ve bikin û neyê ecibandin jî ne girîng e.

Li Tirkiyeyê mîzah nîn e

Her wiha kurtedemek berê malhera Badoo.com ku 109 mîlyon endamên wê hene li 15 welatan, bi beşdariya 30 hezar kesî anketek çêkiribû. Di anketê de derketibû holê ku alman qet bi mîzahê nizanin. Piştî wan jî rus û di rêza sêyemîn de jî tirk hene.

Nirxandin li gor vegotina henekek û bi awayekî jîr bersivdayîna yê/a hemberî xwe hatiye kirin. Li gor encam alman di çêkirina erebeyan û lîstina fûtbolê de serketî ne lê di vegotina henekan de qek nîn i.

Welatên ku ji hesta mîzahê dûr in wisa hat rêzkirin:
1. Almanya
2. Rusya
3. Tirkiye
4. Îngilistan
5. DYA
6. Fransa
7. Polonya
8. Belçîka
9. Hollanda
10. Kanada

Xêz ji "penguen.com" hatiye girtin