Diyarname

Piştî serketina Fransa û Almanyayê vê carê dor hat ser Belçîkayê ku Belçîka li hemberî Macaristanê qet dilrehm nemû, tam 4 gol avêtin û derbasî çarîk fînalê bû.

Macaran 4 gol avêtin 

Di maça dawî ya rojê de Belçîka û Macaristan hatin hemberî hev. Di deqîqeya 10'an de Toby Alderweireld Belçîka 1-0 derket pêş. Nîveka yekemîn wisa bi dawî bû. Di deqîqeya 78'an de Michy Batshuaiy skor bir 2-0, tam her kesî got karê Belçîkayê hêsan bû, di deqîqeya 80'ê de Eden Hazardê ku heta niha gelek ked dabû lê gol neavêtibû, bi gotineke din avêtina golê jî heq kiribû ev heqî ket destê wî û Belçîka bi 3-0 derket pêş. Di deqîqeya 90'î de Yannick Ferreira-Carrasco ku paşê ketibû maçê gotina dawî got:: 4-0

Piştî vê encamê di maçên îro de Belçîka jî ket dû Fransa û derbasî çarîk fînalê bû.

Almanya bi rehetî bi ser ket 

Di maça duyemîn a rojê de Almanyayê bi 3-0 Slovaya têk bir û derbasî çarîk fînalê bû. Golên Almanyayê Boateng (dq 8), Mario Gomez (dq 43) û Draxler (dq 63) avêtin.

Di deqîqeya 13'yan de Mesut Ozil li ser navê Almanyayê nekarî penaltiyê veguherîne golê.

Gomez bû hevparê rekorê

Heta niha di Şampiyoniyên Ewropayê de lîstikvan Jurgen Klinsmann 5 gol avêtibûn û wekî kesê alman ê herî zêde di vê tûrnûvayê de gol avêtine bû. Mario Gomez bi vê golê gihîşt Klinsmann. Ger Gomez di maça/ên bê de jî golê biavêje dê rekorê ji destê wî bigire.

Çarîk fînalîstek din jî diyar bû: Di maça Komara Îrlanda û Fransayê de Komara Îrlanda di deqîqeya 3'yan de penaltî bi dest xist. Paul Pobga ji penaltiyê gol avêt û bû 1-0. Nîveka yekemîn bi vî awayî bi dawî bû. Îrlandayê baş ber xwe dan lê nekarî Griezmannî bide sekinandin.

Lîstikvanê Fransayê Griezmann di deqîqeya 58'an de bi serê xwe li gogê da û wekhevî çêkir: 1-1. 3 deqe paşê Griezmann careke din derket ser dikê û bi golek din tîma xwe derxist pêş: 2-1.

Di deqîqeya 66'an de ji Îrlandayê lîstikvan Shane Duffy qertên sor. Tîma Îrlandaya Bakur bi 10 kesan nekarî rewşê veguherîne û Fransa bi vê encamê derbasî çarîk fînalê bû.

Duh di manan de Polonya, Galler û Portekîz bûbûn çarîk fînalîst.