AMED
Li Amedê bi beşdariya Hevserokên HDP'ê Selahattin Demirtaş binçavkirina Hevseşaredaran hat şermezar kirin. Demîrtaş got: "Heta niha me her digot hilbijartina pêşwext, ji niha û pêde hilbijartin nîn e. Heta şaredarî bi paş ve neyên dayîn berxwedan dê bidome."

Ji bo şermezarkirina binçavkirina Hevşaredarên Amedê Gultan Kişanak û Firat Anli bi beşdariyan hezaran kesî li ber avahiya şaredarî daxuyanî dan çapemeniyê. Hevserokê HDP'ê Selahattin Demirtaş, Hevserokê DBP'ê Kamuran Yuksek, Hevseroka Leyla Guven,  û Berdevkê HDK'ê Ertugrul Kurkçu jî amade bûn. Her wiha gelek mebûsên HDP'ê jî li wir amade bûn.

Hevserokan li şaredarî lêkolîn kirin, agahî ji rayedaran girtin, paşê derketin derve û ketin nava gelê ku li ber şaredarî kom bûne. Polîsan car bi car anonsê dê mudexele bikin kir lê gel bi diruşman bersiv da.

Demîrtaş li vir axivî. Vane hin gotinên wî:

- Ji deqeya ku ev bêhiqûqî dest pê kiriye ve hûn xwedî lê derdikevin li ser navê partiya me ez sipasiya we dikim. Ev du roj in li tu bajarê Kurdistanê înternet nîn e. Dest danîne ser televîzyonên muxalif, ew hatine xespkirin. Rojnamegerên kedkar dikişînin lê navendên wan ji ber tirsa qesrê tiştên li vir diqewimin naweşîne. Lê emê mal bi mal bigerin. Hewce bike bi şev heta serê sibê emê bigerin. Emê dest bidin mirovan me. Ji ber ku rêya herî hatine cem hev e. Emê li hev binêrin. Rêya çapemeniyê ji bo me girtîbe, qey nikarin devê me jî bigirin. Emê mal bi mal  bigerin û qala vê zordariyê bikin.

- Van tiştan emê wekî tiştek ji qebûl nekin. Azadiya kesî nîn e li ber edaletê sûc bike. Tu diwazî serokomar be, yan kesek ji rêzê. Ferq nake. Tu kesek mafê sûckirinê nîn e lê divê darizandin jî adilane be ku em ji dil darizandinê qebûl bikin. Em ne dijî darizandinê ne, li holê tiştek qekî darizandinê nîn e. Komîsyona hiqûqê ya AKP'ê çima min bidarizîne. Ma ez mecbûr im îfadeyê bidim dozgerek wisa? Li hemberî me dozgerên bi perspektîfa qesrê tevdigerin hene.

- Ger hevşaredarên me bi rastî dizî kiribin berî her kesî emê ceza bikin. Şaredarên me, Kişanak û Anli di serî de her demê ji bo aştiyê bûn seferber. Kes nikare şaredariyên me bi gotinên wekî piştgirî dide çekan, terorê, şîdetê.

- Ger hûn li kesên piştgirî didin terorê digerin li Enqereyê binêrin, li Stenbolê binêrin. Ji bo terorê li Topbaş, li Gokçek binêrin. Çend roj in mufetîş ji vir derneketin. Tenê qiruşek ji vir derketibe îsbat bikin em bibînin. Hemû derew. Tiştek wisa nîn e.

- Me heta niha her digot hilbijartina pêşwext. Ji niha û pêde em nabêjin. Heta şaredariyên me bi paş ve bêne dayîn em dê berxwedanê bidomînin.

**
Nûçeyên Elqedar:

- Di 10 xalan de binçavkirina Kişanak û Anli 

- YE'yê ji bo bin çavkirina Hevşaredaran bertek nîşan da 

- Nahêlin parêzer jî li dosyaya Kişanak û Anli binêrin

- Polîsan êrîşê wekîlan jî kir
- Hevşaredarên Amedê Kişanak û Anli hatin binçavkirin kirin