Diyarname
Cenazeya hunermend Aramê Dîkran ji Yewnanistanê hate oxirkirin û birin Brukselê, li wê derê roja duşemê dê bê veşartin. Baydemîr ji Amedê ax ji bo wî bir.

Hunermend Aramê Dîkran ku 8'ê vê mehê li Atînaya Yewnanistanê jiyana xwe ji dest dabû, li ser wesiyeta wî dê cenazeya wî li Amedê bihata definkirin lê rayedarên Tirkiyeyê destûr nedan. Li ser vê yekê malbata wî biryar da ku cenazeyê li Brukselê defin bikin.
Piştî amadehiyan îro cenaze ji Atînayê birin Brukselê û roja duşemê piştî merasima li Dêra Ermen de dê defin bikin.

Hate gotin ku ji ber karên brukratîk definkirina cenazeyê maye duşemê û roja duşemê saet 12.00'an de li Dêra Ermen a li taxa Ikselles a Brukselê merasim pêk bê û saet 13.00'an de li goristana  li taxa Jette  a li taxa “Boulevard de Smet de Naeyer” bê definkirin.
Piştî definkirinê jî dê li saloneke aîdê ermenan a li heman bajarî şîn bê danîn.

Her wiha Şaredarê Bajarê Mezin ê Amedê Osman Baydemîr ji bo beşdariya mesarima cezayê çû Brukselê. Baydemîr bi xwe re jî ji Amedê ax bir û dê wê axê bireşîne ser gora Dîkran.

Nûçe û nivîsên eleqedar:

- Cenazeya Aramê Dîkran dibin Brukselê

- Şevek bi Aramê Dîkran re

- Dengê cumbuşa wî di mejiyê me de bihar çandiye

- 'Ew wekî endamê me yê rûmetê bû'

- Aram Tîgran: Hatina Amedê ji bo min xewn e (HEVPEYVÎN)

- Şivan Perwer: Navê te dê herdem li gel me bijî

- Stranên Aramê Dîkran li Lice hatin gotin

- (Deqeya dawî) Hunermend Aramê Dîkran wefat kir

- Hunermend Aramê Dîkran li sekeratê ye

- Strana Aramê Dîkran a ji konsera Amedê