Diyarname

Vê hefteyê 9 fîlm ketin vîzyonê û ji nav wan "Porteya DaWî" derdikeve pêş.

Li Tirkiyeyê her roja înê fîlmên nû dikevin vîzyonê. Îro 9 fîlm hene. Ji nav van fîlmê derhêner Stanley Tucci "Portreya Dawî" derdikeve pêş.

Di fîlmê ku îsal di Festîvala Fîlman a Stenbolê de jî hat nîşandayîn de Geoffrey Rush, Armie Hammer, Clemence Poesy û Tony Shalhoub dilîzin.

Fîlm li ser çîroka peykerçêker û wênesaz ê navdar Alberto Giacometti (1901-1966) hatiye kişandin. Hunermend Alberto Giacometti rojek li Parîsê rastî nivîskarê amerîkî Jamet Lord tê û ji ber ku Lord xwedî rûyek balkêş e peykertiraş Giacometti jê dixwaze ku portreya wî çêbike. Tenê di tend rojan de dê bikaribe portreyê çêbike. Lê roj diçin, hefte derbas dibin portre xilas nabe û nediyar e dê kengê xilas bibe jî. Lordê ku bi çêkirina portreyê kêfxweş bûbî fêm dike ku dest danîne ser jiyana wî.

Fîlm balê dikişîne ser berhema dawî ya vî hunermendî. Lîstikvan Geoffrey Rush bi performansekî serketî serdema dawî ya hunermend pêşkêşî temaşevanan dike.

Kunye: Final Portrait / Portreya Dawî / Son Portre

Derhêner û senaryo:  Stanley Tucci 

Derhênerê dîmenê: Danny Cohen 

Vesazkirin: Camilla Toniolo 

Muzîka Taybet: 

Lîstikvan: Geoffrey Rush, Armie Hammer, Clémence Poésy, Tony Shalhoub, James Faulkner, Sylvie Testud / 

Sala kişandinê: 2017

Mawe: 90 deqe

Û fîlmên din ên ketin vîzyonê:

- Eiga Doraemon: Nobita No Nankyoku Kachikochi Daibouken, derhêner Atsushi Takahashi

- Dangal, derhêner Nitesh Tiwari

- Open Water 3: Cage Dive, derhêner Gerald Rascionato

- Plan B: Scheiss Auf Plan A, derhêner Ufuk Genç û Michael Popescu

- The Hunter’s Prayer, derhêner Jonathan Mostow

- The Hitman’s Bodyguard, derhêner Patrick Hughes

- Semur: Şeytanın Kabilesi, derhêner Gokhan Aksu

- Annabelle: Creation, derhêner David F. Sandberg