Amed
Encamên 17'emîn Xelatên Rojnamegeriya Kurdî û Şehîdên Çapemeniyê ya Musa Anter ku ji aliyê rojnameya Azadiya Welat û Gunlukê ve hate lidarxistin, eşkere bûn.

Xelatên Rojnamegeriya Kurdî û Şehîdên Çapemeniyê ya Musa Anter roja 27'ê rezberê wê li Navenda Ciwanan a Cegerxwîn a li Amedê bi merasimekê bêne dayîn.

Vane kesên ku di pêşbaziyê de bi berhemên xwe bi ser ketin:

Di beşa kurdî ya nûçeyan de nûçegihanê DÎHA'yê Erdogan Altan bi nûçeya "Beranberî sewalan pasdar rehîn girtin" hejayî xelata yekemîn hate dîtin. Di vê beşê de tu nûçe ji bo xelata duyemîn û sêyemîn nehatin dîtin.

Digel hemû zor û zehmetiyîn jî ji ber ku weşana kurdî didomîne Gun TV'yê hêjayî Xelata Juriyê ya Taybet hate dayîn.
Mamoste Medya Ormek (9) ji ber perwerdehiya kurdî dida zarokan û der barê wê de lêpirsîn hate vekirin hêjayî Xelata Rûmetê ya Kurdî hate dîtin.

Di beşa nûçeyan a tirkî de nûçegihanê DÎHA'yê Hikmet Erden bi nûçeya "Di wergera zimanê nayê zanîn de Yaşar Kemal û Celal Talabanî hatin kuştin" û ji rojnameya Batman Postasi Mehmet Karabaş bi nûçeya "Li çiyayê Helkîsê gorên tomerî" hêjayî xelata yekemîn hatin dîtin.

Ji rojnameya Tarafê Volkan Eser bi nûçeya "Ji polîsan testeke ecêb: şopa kevir heye?" hêjayî xelata duyemînî hat dîtin.

Ji rojnameya Evrenselê Elîf Gorgu û Meral Peker bi nûçeya "Ji TSK'ê Açilima Elewiyan" hejayî xelata sêyemîn hate dîtin.

Di beşa karîkaturan de xelata yekemînî Aşkin Ayrancıoglu, xelata duyemînî Ozgur Evran û xelata sêyemînî jî berhema Murat Îpek hêjayî hate dîtin.
Her wiha karîkatura Mahmut Erdal Karakoç jî hêjayî Xelata Juriyê ya Taybet hate dîtin.

Di beşa fotogran de Selahattîn Kahraman bi fotografê "Demokrasiya Dîtir" hêjayî xelata yekemîn hate dîtin.
Sedat Suna bi fotografê "Tabut" hêjayî xelata duyemîn hate dîtin.
Mujgan Arpat bi fotografê "Hilweşîn" hêjayî xelata sêyemîn hate dîtin.
Ferhat Aslan jî bi fotografê "Avabûna Rojê" hêjayî Xelata Juriyê ya Taybet hate dîtin.

Xelata Taybet a Gurbetelî Ersoz ji bo Xwedî û Berpirsê Karê Nivîsarên ê Azadiya Welat Vedat Kurşun û Kordînatorê Weşanê yê Gun TV ku li girtîgeha Amedê Tîpa D dimînin û nivîskarê rojnameya Gunlukê Veysî Sarisozen ji ber dozên lê hatine vekirin hate dayîn.

Endamên juriyên ev bûn:
Endamên Juriya Nûçeyên bi Kurdî: Azîz Ogur, Ertuş Bozkurt, Semiha Alankuş, Samî Tan, Medenî Ferho

Endamên Juriya Nûçeyên bi Tirkî: Murat Çelikan, Fatih Polat, Selami Înce, Berat Gunçikan, Filiz Koçali

Endamên Juriya Fotografan: Ramazan Ozturk, Gultekin Tetik, Îsa Çelik, Çerkes Karadag, Xefur Huseyin

Endamên Juriya Karîkaturan: Tan Oral, Gulay Batur, Ender Ozkahraman, Gurcan Ozkan, Halîl Încesu