Diyarname
Di nav sînemaya Tirkiyeyê "Yeşîlçam"ê de listikvanê ji Rihayê Huseyîn Peyda her rola karakterê "mirovê xirab" dilîst. Ew bi vî awayî navdar bû. Peyda ku di sala 1990'î de mir niha li ser wî belgefîlmekî tê kişandin.

Sazkarî û derhêneriya fîlm Mehmet Faraç dike. Kişandina belgefîlm li bajarê Huseyîn Peyda lê hatiye dinê, li Rihayê dest pê kir. Navê "Abdo Bey" li belgefilm hatiye kirin û di belgefîlm de jiyana Peyda tê pêşkêş kirin.
Huseyîn Peyda di sala 1919'an de hatiye dinê. Peyda di sala 1957'an de li Rihayê fîlmê "Kaderim Boyleymiş" (Qedera Min Wisa Bû) kişandibû ku belgefîlm jî bi ser vî fîlmî re dest pê dike. 60 sal berê li cihê ku ev fîlm hatiye kişandin ji bo belgefîlm kişandinên nû tê kirin. Li Stenbolê jî dê ligel kesên wekî Kadir İnanir, Turkan Şoray, İbrahim Tatlises, Muhterem Nur û Cuneyt Arkin hevdîtin bêne kirin ku di jiyanê de van kesan ligel wî lîstibû, hevaltiya wan hebû.
Sala 2019'an sedemîn sala rojbûna Huseyîn Peyda ye û dikin ku di wê 100 salî de belgefîlm jî bê nîşandayîn.

Huseyîn Peyda (Navê wî yê rastîn Huseyîn Ormen) di 27'ê rêbendana 1919'an de li Rihayê hatiye dinê û di 30'ê tîrmeha 1990'î de li Stenbolê wefat kiriye. Wî li Zanîngeha Stenbolê Beşa Felsefeyê xwendibû. Di jiyana xwe de bi dehan fîlman de rol girtibû ser milên xwe. Di sala 1977'an de li 14'emîn Festîvala Antalyayê de bi rola di fîlmê "Kara Çarşafli Gelin" xelata Lîstikvanê Duyemîn ê Herî Serketî girt.