Riha
Belgefîlmê "Du ziman û bawolek" ku aliyê derhêner Ozgur Dogan û Orhan Eskîkoy ve hatibû kişandin li Wêranşarê hate temaşekirin. Wêranşarî bi temaşekirina belgefîlm gelek kêfxweş bûn.

Filmê "Du ziman û bawolek" li Navenda Çand û Hunerê ya Şaredariya Wêranşar a Rihayê hate nîşandayîn.
Pîştî nîşandayîna belgefîlm gotubêjek bi derhênerên fîlm re pêk hat.

Derhêner Ozgur Dogan, got ku bi vî fîlmî wan xwestiye pirsgirêka kurd bîne ziman û wiha got: "Me xwest gelê kurd xwe têxe cihê Mamoste Emre û gelê tirk jî xwe têxe cihê xwendekarên kurd û hezkirina xwe xurt bikin. Mamoste bi kurdî nizane, xwendekar jî bi tirkî nizanin. Me xwest em vê rewşa heyî li ber çavan raxin."

Derhêner Orhan Eskîkoy jî diyar kir  ku ew dixwazin fîlmê wan bibe gaveke ji bo alîkariya pêvajoya hewildana demokratîk

Şaredara Wêranşarê Leyla Guven, Serokê DTP'a Wêranşarê Adnan Etlî, rêveberên DTP'ê yên navçeyê û endamên Meclisa Şaredariyê jî di dema gotubêjê de amade bûn.

Şaredara Wêranşarê Leyla Guven piştî gotûbêjê plaketeke sipasiyê da derhêneran.

Wêne ji DÎHA'yê hatiye girtin