Diyarname

Tabloyên wênesaz xistine muzeyê lê ji wan 82 tablo sexte derketin. Em qala muzeya li Elne dikin.

Li Muzeya Elne ku li başûrê Fransayê ye li ser navê wênesazê fransiz Etienne Terrus muze hat çêkirin û tabloyên wî xistin muzeyê. Lê hat ferqkirin ku nîvê tabloyên di muzeyê de ne yê wî ne, sexte ne.  Dîrokzanê hunerê Eric Forcada dema li muzeyê digeriya fêm kir ku ew t ablo ne aîdê wî ne û li ser vê yekê lêpirsîn dan dest pê kirin. Tê gotin ku buhaya berhemên sexte derketine li dor 160 hezar Euroyî ye.

Wênesaz Etienne Terrus li Elneyê hatibû dinê. Konseya Elneyê jî ji bo vê yekê li bajarê wî muze vekiribû. Ev 20 sal in qaşo tabloyên aîdê wî ne kirîn û niha rewşe cuda derket holê: Nîvê tabloyên hatine kirîn sexte derketin.

Waliyê navçeyê Yves Barniol roja înê daxuyand û ev yek wekî "felaketek" bi nav kir û ji kesên berî niha Çûne serdana muzeyê lêborîn xwest.

Li gor nûçeya kanala France 3 di hin tabloyên di muzeyê de avahiyên ku piştî mirina wî hatine çêkirin jî hatine dîtin. Rêveberiya navçeyê der barê kesên wêneyên sexte çêkirine, firotine û ji bo firotinê navbeynkarî kirine de lêpirsîn da dest pê kirin.

Wênesazê fransiz Etienne Terrus di sala 1857’an de li Elneyê hatiye dinê û di sala 1922'yan de li wir miriye.