Amed
Osman Baydemîr îro piştî  ku 4 saetan îfade da Serdozgeriya Komarê ya Amedê wisa got: "Ji her pirsê ku dozger ji min pirsî careke din min fêm kir ku ev operasyon ne li hemberî KCK'ê, li hemberî siyaseta sivîl a legal, li hemberi siyaseta demokratîk a kurd hatiye kirin. Hemû xebatên me yên ku bûne sedema sûcdarkirina me me kirin, em dikin û emê kirina vê bidomînin jî."

Şaredarê Bajarê Mezin ê Amedê Osman Baydemîr ji bo îfadeyê bide îro gazî wî kirin ku herin dozgeriyê. Sedem jî daxuyaniya 98 şaredarên BDP'ê ku ji bo başkiriya jiyana Serokê PKK'ê Abdullah Ocalan a li Girava Îmraliyê dabûn nîşan dan. Serdozgeriya Komarê ya Amedê li ser vê gazî Baydemîr kir. Baydemîr îro saet li gor 16.00'an de tevî parêzera xwe Meral Daniş Beştaş çû Adliyeya Amedê. Ji Baydemîr xwestin ku digel vê yekê derbarê operasyona di bin navê KCK'ê de ku şaredar û BDP'yî hatibûn girtin de jî îfade bike. Baydemîr nêzî 4 saetan îfade da Serdozkerê Komare Ahmet Karaca.

Piştî îfadedayînê Baydemîr li ber avahiya adliyeyê bersiva rojnamegeran da û got: "Li ser daxuyaniya ku me 98 şaredaran bi hev re amade kiribû gazî min kirin. Lê digel vê lêpisînê, li ser operasyona ku ev salekê ye li hemberî hevalên me, şaredar û siyasetmedarên me tê kiin jî îfadeyên min hatin pirsîn. Divê ez gelek eşkere û zelal bibêjim ku, ji hemû pirsên ku ji min hatin kirin min fêm kir ku ev lêpirsîn ne li hemberî KCK'ê, berevajî vê li hemberî DTP'ê, siyaseta demokratîk a legal, li hemberî siyaseta sivîl hatiye kirin."

Baydemîr got ku li ser Yekîtiya Şaredariyên Başûrêrojhilatê Anadoluyê (GABB), li ser komîsyona rêveberiyên herîmî ya DTP'ê pirs jê kirine û ev yek got: "Ez eşkere û zela dibêjim ku hemû tiştên li ser pirs pirsî ne min kirine. Tu aliyeke van xebatan a îlgela nîn e, ev xebat min kirine, ez dikim û ezê bikim jî. Mînak xebata perwerdehiyê ya GABB'ê, Akaemiya Rêveberiyên Herêmî, Konferansa Rêveberiyên Herêmî ku partiya me bi awayekî kevneşopî her dike. Bele me ev kirin. Ji niha û şûnde jî emê bikin. Di vî warî de ez ji vê derê dixwazim bangek bikim. Divê hikumet dev ji tasfiyekirina siyaseta legal berde. Hevalên me yên ku niha di girtîgehê de ne, şaredar û siyasetmedarên me yên girtî, van hevalên me çi kirine min jî kiriye. Ji pirsên ji min pirsîn 'Tu van kesan nas dikî?' Ez hemû hevalên xwe nas dikim û min bi hemûyan re kar jî kiriye."

Li ser pirsa "Li ser talîmata KCK te Serokwezîr Recep Tayyip Erdogan pêşwazî nekiriye" Baydemîr wisa got; "Ji bo Xwedê û pêxember. Cîgere Serokê Giştî yê me Kamuran Yuksek telefon kiriye û gotiye, 'Serok, tu li ku yî? Tevî Hevserok emê herin Erxeniyê', ez jî dibêjin, 'Ez li balafirgehe me, balafir rotar kiriye. Ez hinek bisekinim'. Ev diyalogbûye talîmata KCK'ê. Di etîka siyasetê de tiştekî heye, Cîgerê Serê Giştî dikare talîmateke bide Şaredarekî. Ez di wê reşwê de bama, minê jî talîmat bidana şaredarekî."

Şaredar Osman Baydemîr got ku dibe bi heman awayî wekî wî gazî siyasetmedarên din jî bikin ji bo îfadeyê, her ku gazî bikin siyasetmedarên kurd û nûnerên saziyên sivîl diçin îfadeyê û rêbaz jî divê wekî îro be. Baydemîr di dawiyê de got ku divê şaredar û siyasetmedarên girtî bêne berdan.