Diyarname

Şaredariya Heskîfê û Komeleya Xwezayê ji bo bingeha pêşerojeke ‘bêbendav’ a Newala Dîcle û Heskîfê bavêjin di navbera 10-11’ê avrêlê de konferanseke lêgerînê ya navneteweyî li dar dixin.

Di konferansa du rojan de wê bi bîr û baweriya zanyaran nîşan bidin ku Newala Dîcle bi awayê xwe yê xwezayî bê belgekirin û bi vî awayî jî bikin ku ji bo Heskîf bikev nav Mîrateya Dinyayê ya UNESCO’yê rê li ber vebe.

Di civînê de gelê herêmê, saziyên civaka sivîl ên neteweyî û navneteweyî, saziyên raya giştî û mîrateya çandê, akademîsyenên di warê tûrîzm,ekolojî û sosyo-ekonomî de pispor wê bên ba hev û nîqaşê bikin.

Serokê Komeleya Xwezayê Guven Eken li ser vê yekê daxuyaniyeke da û got: “Newala Dîcleyê ku Heskîfê jî digire nava xwe tekane cih e ku ji dehan neh krîterên ‘Mîrateya Çandê’ ya UNESCO’yê din ava xwe de dihebîne. Her sal mîlyonek tûrîstên ji Tirkiyeyê û derveyî Tirkiyeyê tên vî bajarê xwedî herî hindik deh hezar salî dibînin. Mixabin projeya bendava Ilisûyê, ji bo ku wê Heskîf û Newala Dîcleyê bigire nava xwe ev ‘Mîrateya Çandê’ jî di bin tehdîdê de ye. Ji ber sedema projeya bendavê di pêncî salên dawî de hema bibêje li herêmê tu razemenî nehatiye kirin, berhemên dîrokî bi qedera xwe re rû bi rû hatine hiştin, digel ku Heskîf navendeke balkişînêr e jî li vê derê tu bingeha tûrîzmê nehatiye çêkirin. Di dawiyê de ji ber bendavê aboriya herêmê zerareke cidî dîtiye.”

Guven Eken got ku ger Bendava Ilisû bê çêkirin Heskîf û çar sed metro ekosîstema çem wê noqav bibe. Welatên Ewropayê û bankeyên razemeniyê ji ber ku wê bendav zerarê bide xwezayê û mîrateya çandî piştgiriya xwe ya ji bendavê bi paş ve kişandibû. Guven jî bal kişand ser vê yekê û got: “Li ser betalkirina bendavê, ragihandina wekî Mîrateya Çandê ya Dinyayê ya UNESCO’yê û li ser, li herêmê sazkirina vîzyoneke alternatîf a pêşvebirinê tu xebat nehatiye kirin. Konferansa ku di navbera 10-11’ê vê mehê de wê pêk bê dê bibe gaveke girîng.”

Her wiha Eken got ku ji bo her kes û saziyan deriyê konferansê vekiriye.