Li Treviso ku li bakurê Îtalyayê ye li ser rê lewheyeke trafîkê hat daliqandin lê ev ne lewheyeke ji rêzê ye. Lewhe dibêje ‘Haydar bin fahîşe dibe ku derkeve” û vê lewheyê her kes şaşwaz kir.

Bi vê lewheyê rayedarên herêkê kiriye ku qeza pêk neyên û fahîşe nemirin.

Di lewheyê de li hundirê çarçoveyeke sor jinek pêsîrmezi, di dest de çende, etekek kin lê, di lingan de pêlavên pihînbilind hatiye xêzkirin û binî de wisa hatiye nivîsîn: “haydar bin fahîşe” (attenzione prostitute).

Li ser rêya ku fahîşe bikar tînin 30 nîşane hatine danîn. Bi van kirine ku ajokar hay ji fahîşeyan hebin ku li wan neqelibin lê ajokar berevajî vê yekê difikirin. Ew di wê baweriyê de ne ku ev nîşane serê wan tevlihev dike.

Dino Vezinoyê 34 salî ku li herêmê dijî wisa dibêje: “Dema min nîşane dît ji bo ez lêbinêrim min leza erebeyê xwe sist kir. Gelo ev tê wateya ‘fahîşe wê derbasî hember bin haydar bin’ an tê wateya ‘haydar bin li vir fahîşe hene’?!

Kesek din ji herêmê dibêje ku di 3 kîlometreyan de 35 fahîşe hene û ev nîşane ji bo ewlehiya wan baş in.

Şaredar Giovanni Azzoli rexneyên ku lewhe bala ajokaran belav dikin qebûl nekir û wisa got: “Rastiya vir bala wan belav dikir. Ji ber vê hin qeza jî pêk hatin.”