Diyarname
Di maça Arjantîn û Îzlandayê de serketî diyar nebû sedem jî serketina derhêner û keleparêzê Îzlandayê Halldorson bû: Halldorson hem çend şûtên dijwar ji keleha xwe derxistin, hem nehişt Messi penaltiyê veguherîne golê.
Maça Koma D ya yekem îro di navbera Arjantîn û Îzlandayê de bû. Arjantîn wekî yet  ji favoriyên kûpayê tê nîşandan lê Îzlanda di Kûpaya Ewropay ya 2016'an de bi têkbirina Îngilistanê di çarîk fînalê de xwe nîşan dabû. Îzlandaya ku yekemîn car beşdarî Tûrnûvaya Kûpaya Cîhanê dibe her kes bi meraq bû ku dê çi bikira... Û vê Îzlandayê rê neda Arjantînê.
Maç bi aramî dest pê kir lê di kurtedemê de Arjantînê dest bi êrîşan kir. Encama vê di deqîqeya 19'an de bi gola Kun Aguero bi dest xist, lê zêde derbas nebû Îzlandayê di deqîqeya 23'yan de bersiv da: 1-1. Nîveka yekemîn bi vî awayî bi dawî bû. Di nîveka duyemîn de Arjantînê êrîşên xwe dom kirin, Îzlandayê jî her ku firsend didît berê xwe dida keleha Arjantînê. Arjantînê penaltî bi dest xist lê keleparêz Halldorson rê neda Messi. Keleparêzê Îzlanda Hallodrson ku di jiyana rojane de di heamn demê de derhênerê sînemayê ye bi vê û bi derxistina gogên din ji kelehê wekî lîstikvanê serketî yê maçê ji aliyê FIFA'yê ve hat hilbijartin.
Bi vê encamê di Koma D de niha Arjantîn bi yek pûan, Îzlanda jî xwedî pûanek e. Maça din a Koma D di navbera Hirvatistan û Nîjeryayê de dê saet 22'yan de bê lîstin.
**
Fransayê 3 pûanên xwe girtin
Îro maça pêşî di navbera yek ji favoriyên kûpayê Fransa û Avustralya de bû. Erê favorî Fransabû lê Avusturya jî xwe baş amade kiribû. Di nîveka yekemîn de tu encam neguherî: 0-0.
Di niveka duyemîn de gol hatin: Pêşî Fransayê di deqîqeya 58'an de penaltî bi dest xist û Griezmann ew veguhart golê: 1-0.
Avustral ne zêde, piştî 4 deqeyan bi Jedinak bersiv da lê gotina dawî di deqîqeya 81'ê de Pogba li ser navê Fransayê got: 2-1. Bi vê di maça yekemîn a Koma C de Fransayê  3 pûanên xwe pêşî girtin.
**

Maça diduyan a Koma C saet 19'an de dê di navbera Perû û Danîmarkayê de be.

Maçên din ên îro:

16 Pûşper, Şemî
Koma C: 19:00 Perû - Danîmarka 
Koma D: 22:00 Hirvatistan - Nîjerya   

Li Tirkiyeyê TRT 1 û TRT 4K maçan yekser diweşîne.