Diyarname

Du kovar W û Tîroj bi hejmarên xwe yên nû derketin. W'yê li ser Arjen Arî dosyayeke amade kiriye, Tîrojê jî di bin sernavê "Ji aliyê kurdan ve guherandina Zagona Bingehîn" dosya amade kiriye.

W û Arjen Arî

Kovara wêjeyî, çandî û hunerê W hejmara xwe ya nû ya gulan-pûşperê derxist. Kovarê di vê hejmarê de dosyaya xwe li ser helbestvan Arjen Arî amade kiriye.

Kovara W ji aliyê Enstîtuya Kurdî ya Amedê ve tê derxistin hejmara xwe ya 32'yan derxist. Kovarê de dosyaya xwe ya vê hejmarê de helbest û nivîsa Arjen Arî girtiye dest. Nivîskarên wekî Berken Bereh, Kawa Nemir, Lal Laleş, Omer Dilsoz, Ferzan Şêr û Mihemed Ronahî bi nivîsên xwe beşdarî dosyeyê bûne. Her wiha yek ji edîtorên kovarê Elîxan Loran bi Arjen Arî hevpeyvîneke kiriye.

Di nav nivîsên din ên kovarê weşandin de hevpeyvîna ku bi salan berê ji aliyê Mehmed Ûzûn û Mehmûd Baksî ve bi helbestkar Hêmin Mukriyanî re hatiye kirin heye. Romannûs û çîroknûs Helîm Yûsiv, di vê hejmarê de jî bi nirxandinên xwe yên li ser “nifşê bêjî” yê romana kurdî cih girtiye.

Ehmed Bîlge, Îsmaîl Hacanî, Hecî Nehsan, Kamran Simo Hedilî, Dilşêr Bêwar, Kawa Şêxê, Janbijan Ar, Îsmaîl Dîndar, Welat Dilken, Mehmûd Nêşite, Nesrîn Navdar, Daîmî Bîngol, Qado Şêrîn, Evdê Koçer, Şivan Ar, Robîn Şerna, Şengul Oxûr, Hekîm Ehmed, Medenî Ferho, Bextiyar Elî bi berhemên xwe ve beşdarî vê hejmara kovarê bûne.

Tîroj û zagona bingehîn

Kovara çand, hunerî û wêjeyî Tîroj bi hejmara xwe ya gulan û pûşperê derket. Di hejmara nû ya Tîrojê de meseleya guherandina zagona bingehî hene.

Tîroj ku bi hejmara xwe ya 44'an derket di vê hejmarê de dosyaya xwe li ser "Ji aliyê kurdan ve guherandina Zagona Bingehîn" amade kiriye.

Dosyaya ku ji aliyê Cumhur Daş û Yusuf Karadaş ve hatiye amade kirin de Cîgera Hevserokên BDP'ê Parêzer Meral Daniş Beştaş, Serokê Baroya Parêzer Mehmet Amedê Emin Aktar, nivîskar û rojnameger Adil Zazonî û Cîgir Doç. Dr. Vahap Coşkun beşdar bûye. Nivîskar Ferda Çetin jî bi nivîsa xwe mijar temam kiriye.

Ji ber ku kovar rastî 1'ê Gulanê hatiye Arjen Arî nivîsa xwe li ser 1'ê Gulanê nivîsandiye. Di kovarê de nivîsa Sennur Sezer a li ser Evrim Alataş û nivîsa Evrim Alataş a ku di hejmara 21'emîn a Tîrojê de hatibû weşandin dîsa hatiye pêşkêş kirin.

Lêkolîner û nivîskar Celîlê Celîl bi ser navê "Beşek ji dîroka weşangeriya kurdên Kafkasyayê" nivîseke hêja ya li ser weşangeriya kurdên Kafkasyayê nivîsandiye. Nivîskar Fehim İşik jî li ser Osman Sebrî û parka ki li Kolikê li ser navê wî hatiye çêkirin nivîsa xwe nivîsandiye.

Yaqob Tilermenî bi çîroka xwe "Namûs" û İsmail Dindar jî bi çîroka xwe "Êşa dil ji çavan e" beşdarî kovarê bûye.

Dilber Koçoglu, Nuray Sancar, Aydin Dere, Mukit Arslan, Fikret Dogan, Lokman Polat, Sibel Ozbodun, Cîhan Roj, Firat Aydinkaya, Serhad B Rênas, Ronî War, Nûra Cewarî, Eylem Yildizer, Bariş Avşar bi nivîsên xwe beşdarî kovarê bûne.

***