Cemil Oguz

Gezgînfest organîzasyonek e ku li gelek bajaran şahiyan li dar dixe. Vê organîzasyonê par li Wanê jî festîvala muzîkê li dar xistibû lê bangî hunermendên kurd nekiribû û ev yek jî bûbû sedema rexneyê. "Gezgînfest"ê ji ber vê yekê îsal biryar da ku gazî hunermendên kurd jî bike. Li ser vê bi hunermend Mem Ararat re li hev kiribûn ku Ararat beşdarî Gezgînfestvanê bibe. Lê çi bû nayê zanîn, paşê li Ararat negeriyane. Mem Ararat jî ji ser hesabên xwe yên tora civakî re daxuyaniyek weşand. Me xwe gihand hunermend Mem Ararat û pirsa meseleyê jê kir. 

Di anketê de navên derketine pêş 

Niha em guh didin Ararat: "Tam nayê bîra min lê li dor serê salê bû, belkî hinek berî wê be jî, li me geriyan ku em beşdarî konsera wan a îsal bibin. Ji ber ku par gazî komên muzîkê yên bi kurdî dibêjin nekirine hatine rexnekirin, wan jî anket çêkiriye ku gazî kî bikin. Di anketê de ez, Ciwan û Aynur derketine pêş. Ji me re gotin. Me jî qebûl kir. Dema miletê me bixwaze, li welatê kurdan e, em jî dixwazin stranên kurdî olan bidin. Milet bixwaze emê jî herin. Me pirsî, gotin tu aliyê me yê siyasî nîn e, tu partiyek siyasî piştgiriyê nade me, em tenê organîzasyonek muzîkê ne, şahiyan li dar dixin. Me li hev kir ku em herin."

Ararat dibêje ku piştî vê li hev kirinê bername çêkirine, navê wî jî xistine afîşan lê li wan negeriyane û wisa didomîne: "Nêzî mehek berê em geriyan ka çawa çêbû, ji me ji bo bilêtbirînê nav û agahiyên din xwestin, me şandin lê bi ser re dem derbas bû dîsa negeriyan. 10 roj derbas bû em dîsa geriyan çi bû? Kesê berpirs got 'Ez li erebeyê me pênc deqe paşê digerim', dîsa negeriya. Em carek din geriyare, lê dîsa li me venegeriya ye. Hefteya piştî konsera Mêrsînê hevalê me yê muzîsyen dîsa pirsî ku zelal bû yan na, em dîsa geriyan, dîsa li me venegeriyan. Ji ser whatsapp'ê re me peyam şand, em dibînin ku peyamê dibînin lê li me venagerin. Ser wê ez rabûm min daxuyanî li ser tora civakî weşand. Piştî daxuyanî cih de li me geriyan, lêborîn filan xwestin. Di lêborîna xwe de cidî jî dixuyan lê emê neçin konserê û me ji wan daxwaz kir navê me ji afîş û bernameyan derxin. Dernexin emê mafê xwe biparêzin."

'Cidiyeta me fêm nekirin'

Li gor gotina hunermend Mem Ararat piştî belavkirina daxuyaniyê, organîzatoran hin kes xistine navberê ku ew dest ji biryarê berdin û herin konser lê ew di biryara xwe de piştrast in û wisa didomîne: "Ez ne hunermendekî me ku di xewê de bimînim, xwe giran bigirin, yan dereng herim konserê. Ez karê xwe cidî digirim, ez li benda vê cidiyetê me jî. Em ew qas geriyan, ger wan ev cidiyeta me bidîta mesele heta vir dê nehata. Neçûna wir ne şaşiya me ye, şaşiya wan e. Em naxwazin kes zirarê bike, lê êdî xwesteka me ya em herin nema, kêfa me çû, şikiya. Me biryar da em naçin konserê."

Çima navek stranbêjekî kurd heye?
Li gor bernameya "Gezginfestvan"ê îsal ew dê rojên 20-23'yê pûşperê de li Wanê festîvala muzîkê li dar bixin. Di nav bernameyên îsal de navên kesên wekî Selda Bagcan, Can Bomono, Ezgini Gunlugu, Oguzhan Ugur, Rockustik, Road To Jazz dixuyan û Mem Ararat dixuye. Piştî vekişîna Mem Ararat hunermendên kurd wekî din di nav bernameyê de naxuyin. Pirsa çima li hemberî hunermendekî kurd wisa kirin li aliyek e, li bajarê kurdan di nav dehan hunermendan de çima yek tenê yê bi kurdî dibêje heye jî pirsek din e ku di bîra mirovan de...

**

  
Ji bo vexwendnameyan malpera ku hûn serî lê bidin: http://www.davetiyeonline.net/
Bi sedan cureyên vexwendnameyan li benda we ne. 
Bi her zimanî em dikarin ji bo we vexwendnameyan amade bikin.
Navnîşan:

Yıldıztabya Alibeyköy Cad.No: 156, Alibeyköy Eyüp-İstanbul, Telefon:  0212 -6266455, info@davetiyeonline.net