Amed
Pêşbaziya Çîrok û Helbestan a Îsmet Baycan bi dawî bû û kesên bi ser ketin navên wan hatin eşkerekirin.

Federasyona Komaleyên Piştgiriya Hiqûqî ya bi Malbatên Girtî û Hikûmxwaran ve (TUHAD-FED) her sal wekî ji bo endamê Koma Aştiyê yê Yekemîn Îsmet Baycanê ku di girtîgehê de jiyana xwe ji dest da pêşbaziyeke li dar dixe. Îsal 6'emîn pêşbazî li dar ket û kesên bi ser ketin navên wan hatin eşkekirin.

Li gor agahiyan îsal 60 kes bi berhemên xwe beşdarî pêşbaziyê bûne û ji wan 16 kes hatine xelatkirin. Di pêşbaziyê de 12 kes ketin dereceyê û dê 4 kesan jî xelata mansîyonê (teşwîq) bigirin.

Serokê TUHAD-FED'ê Mahmut Dogru der barê pêşbaziyê de agahî dan û got ku ew ev 5 sal in di 24'ê gulanê de ku salvegera şehadeta Baycan, li dar dixin lê îsal ji ber hin pirsgirêkan dê merasim 29'ê hezîranê de pêk bê. Merasima xelatdayînê wê li Navenda Çanda Ciwanan a Cegerxwîn a li Peyasa Amedê bê li dar xistin.

Kesên di pêşbirkê de hêjayî xelatan hatine dîtin ev in:

Di beşa çîrokên kurdî de, Bulent Ozcan (Ji Girtîgeha Tîpa F a Kırıkkaleyê) yekemîn, Hivzullah Mutlu (ji Girtîgeha Tîpa E ya Mûşê) duyemîn û Huseyîn Tunç (Ji heman girtîgehê) jî bû sêyemîn.

Di beşa helbestên kurdî de, Sait Pamuk (Ji Girtîgeha Mêrdînê) bû yekemîn, Guzel Becerikli (ji Girtîgeha Çewlîkê) bû duyemîn û Mahmut Zengeralp (ji Girtîgeha Tîpa E ya Mûşê)  jî bû sêyemîn.

Di beşa çîrokên tirkî de, Fesiz Erdemirci (ji girtîgeha Tîpa F a Kocaeliyê) bû yekemîn, Murat Turk (jii Girtîgeha Tîpa F a Boluyê) bû duyemîn û Veysel Avci (ji Girtîgeha Semsûrê) jî bû sêyemîn.

Di beşa helbestên tirkî de, Mahmut Demirel (ji Girtîgeha Tîpa F a Kandirayê) bûyekemîn, Huseyin Yildirim (ji Girtîgeha Tîpa F a Boluyê) û duyemîn û Lokman Aslan (jii Girtîgeha Tîpa E ya Mûşê) jî bû sêyemîn.

Her wiha, di beşa kurdî de Huseyin Duman û Serdar Guzelçay (ji Girtîgeha Tîpa E ya Mûşê) û Ahmet Tumelî û Kadri Alkoç jî hêjayî Xelata Mansiyonê hatin dîtin.

Îsmet Baycan di wekî endamê Koma Aştiyê ya Yekemîn di sala 1999'an de hatibû û tevî endamên din hatibû girtin. Baycan di 24'ê gulana 2003'yan de li Girtîgeha Tîpa E ya Mûşê jiyana xwe ji dest da bû.