Enqere
Mebûsê BDP'ê yê Batmanê Bengi Yildiz pirsiyar nameyeke da meclisê û xwest ku li ser gorên Şêx Seîd, Seyîd Riza û Seîdê Kurdî lêklîn bê kirin û cenazeya wan bidin malbata wan.

Şêx Seîd di 29'ê pûşpera 1925'an de li Amedê tevî 47 hevalên xwe hat îdamkirin. Seyîd Riza di 15'ê sermaweza 1937'an de tevî kurê xwe yê biçûk ku temenê wî kirin 18 û wisa îdam kirin. Seîde Kurdî jî di 23'yê adara 1960'î de li Rihayê wefat kir û kes nizane gora wan li ku ye.
Mebûsê BDP'ê Yildiz li ser van pirsiyarnameyeke da meclisê, xwest meclis lêkolîneke bike, gorê wan bibîne û cenazeya wan bide malbata wan.

Yildiz di pirsiyarnameya xwe de wisa got: "Tê zanin ku ev kesên hatin îdamkirin hem hezkiriyên wan, hem malbatên wan hene. Hem li gor rêgezên îsmalî, hem jî li gor Komara Tirkiyeyê ku xwe wekî 'dewleta hiqûqî ya demokratîk' dibîne, mafê xizmên wan heye ku bizanibin gorên wan li ku ne. Dewleta demokratîk li hemberî gelên xwe nikare kîndar be, bi hestên tolhildanê tevbigere. Di vê dema ku gelek nîqaş li ser pirsgirêkên kurdî dibin de ev şexsiyetên ku di nav kurdan de li hemberî wan hezkirin û hurmeteke heye, bila gorên wan bêne dîtin û agahî bidin malbatên wan. Ez di wê baweriyê de me ku ev yek ji bo sazkirina civakek aştîxwaz jî gelek girîng e. Fikra min ew e ku girîng e ku gavek zûtir li ser vê armancê meclisê Komîsyoneke Lêkolînî bê avakirin û gavek zûtir gorên wan bên tesbîtkirin."