Diyarname

Vê hefteyê yek ji Tirkiyeyê bi temamî 8 fîlm ketin vîzyonê. "Tolkien" ku li ser jiyana nivîskar hatiye kişandin, dîsa fîlmê çînî "Xwelî sipaya zelal e" derdikevin pêş.

"Tolkein"

Nivîskar J.R.R.Tolkien bi pirtûka xwe "Efendiyê Gustîlan" tê nasîn. Pirtûk bi mîlyonan heb hat çapkirin, bû fîlm û li sînemayan rekor şikand. Niha li ser nivîskarê "Efendiyê Gustîlan" J.R.R.Tolkien fîlmekî bi navê "Tolkien" hat kişandin. Fîlm çîroka jiyana wî derdixe pêş ku çawa heta îro hatiye û bûye yek ji nivîskarên herî navdar. Biratî û hêza xeyalan, evîn û sedema şer mijarên bingehîn in ku fîlm li ser disekine. Bandora Tolkien ji wêjeyê heta sînemayê xwe nîşan dabû, di vî fîlmî de jî ew aliyên wî derdikeve pêş.

Fîlmê ku derhêneriya wî Dome Karukoski kiriye, Nicholas Hoult, Lily Collins, Colm Meaney û Derek Jacobi têde lîstiye.

Fîlmê çînî

Fîlmê derhênerê çînî Jia Zhang Ke bi navê "Ash is Purest White" wekî "Kul en saf beyazdir" li tirkî hat wergerandin û ket vîzyonê.

Fîlmê ku li Cannesê ji bo Palmiyeya Zêrîn ket pêşbaziyê dîsa di festîvalên girîng ên wekî Toronto, Chicago hat nîşandayîn, ji aliyê gelek rojnameyan ve jî hat pesinandin. Ji van La Weekly wisa got: "Jia Zhang-Ke bê nîqaş derhênerê herî serketî yê dinyayê ye". Dîs rojnameyên wekî Los Angeles Times, The New Yorker, The New York Times, The Hollywood Reporter, Wall Street Journal bi pênc stêrkan ew pesinand.

Di fîlmê derhêner Jia Zhang Ke de Tao Zhao, Fan Liao, Zheng Xu û Jiali Ding dilîzin.

Çîroka du mirovan a evînî ku 16 salan dom kiriye di welatek diguhere de derdikeve pêş. Fîlmê mafyawarî ronahiyê bi ser dîroka nêz a Çînê de pêdixe û cîhana bi trajediyan a gangsteran jî derdixe pêş.

Vane hemû fîlmên vê hefteyê:

- Tolkien / Derhêner Dome Karukoski

- Ash is Purest White / Derhêner Jia Zhang Ke

- Little Miss Dolittle / Derhêner Joachim Masannek 

- The Witch / Derhêner Park Hoon Jung

- The Boat / Derhêner Winston Azzopardi

- Spider-Man: Far From Home / Derhêner Jon Watts

- Curse of the Witch's Doll / Derhêner Lawrence Fowler

- Efsunlu: Kabirden Gelen / Derhêner Ugur Kaplan