Diyarname

Helbestvan Mihemed Omer Osman ku wekî Generalê Payîzê dihat nasîn, êvara 22'yê mehê li mala xwe mirî hat dîtin. Hat got ku wî xwe kuştiye.

Asayîşa bajarê Silêmanî ragihand ku helbestvan Mihemed Omer Osman li mala xwe xwe xeniqandiye û bi vî awayî jiyana xwe ji dest daye. Asayîşê got ku hê ne diyar e  Osman ji ber çi xwe kuştiye. 

Piştî ku li mala wî mirî hat dîtin cenazeyê wî roja 23'yê mehê bi beşdariya gelek kesî hat definkirin.    

Helbestvan Mihemed Omer Osman di sala 1957'an li Silêmanî hatibû dinê. Di jiyana xwe de wî gelek helbest nivîsandine lê ji ber ku yek ji wan bi navê  “Generalê Payîzê” bû bi wê hat nasîn, bi wê navdar bû. Yek ji pirtûkên wî bi navê "Li Xurtebê" di sala 2013'yan de li Bakur ji aliyê Weşanên Avestayê ve hatibû çapkirin.