ÊLIH

Hunermend Mîkaîl Aslan li Êlihê derket ser dikê strî û got: Divê her kes xwedî li ziman û çanda xwe derkeve. 

Şaredariya Êlihê di çarçoveya şahiyên çand û hunerî de konsera hunermend Mîkaîl Aslan li dar xist. Konser li Navenda Çand û Hunerê ya Ahmet Guneştekîn a Şaredariyê li dar ket.

Aslan di navsera stranan de axivî û got ku ew xwe rehet hîs nake, ji ber ku dema rehet hîs dike û diaxive dozger cih de banga îfadayînê dikin. Aslan diyar kir ku zaravayê zimanê wî zikmakî kirmanckî ye, ew bi kurmancî jî dizane û banga xwedîlêderketina zimanê zikmakî kir.

Di dawiya konserê de Mîkaîl Aslan û hunermedê Navenda Çanda Biharê Şêrzat ligel hev duet kirin.

Hevşaredarê Êlihê Mehmet Demîr ji ber keda wî plaketek da hunermend Mîkaîl Aslan û spasiya wî kir. Demîr diyar kir ku ew dixwazin li Êlihê orkestrayek senfonî ava bikin û di vî warî de ji hunermendên kurd piştevaniyê xwest. 

Ji MA'yê hatiye girtin