ENQERE
BDP'ê, bi endamên MP'ê (Meclisa Partiyê), serokên rêxistinên bajaran, şaredar û endamên Lijneya Rêveberiya Navendî (LRN)re civîn pêk anî. Di civînê de girîngiya Xwesiriya Demokratîk û makekanûn hate nîqaşkirin. Hate xwestin ji bo berfirehiya nîqaşan di bin baneya KCD'ê de komcivîn bên li dar xistin. BDP'ê ji bo kurdî bide xuyakirin di xebatên xwe yên siyasî de dê bêhtir kurdî bi kar bîne.

BDP'ê bi endamên MP'ê, LRN'ê, serokên rêxistinên bajaran, şaredar û parlementeran re civîn pêk anî. Civîna ku 2 rojan dewam kir Xweseriya Demokratîk, xebatên hilbijartinê û pêvajoya bêçalaktiyê hate niqaşkirin. Civîn li Navenda Giştî ya Egîtim Sen'ê hate lidarxistin. Hevserokên BDP'ê Gultan Kişanak û Selehattîn Demîrbaş ku Herêma Kurdistana Federal ziyaret kirin di roja 2'yem de beşdarî civînê bûn. Hevserokên KCD'ê Aysel Tugluk û Ahmet Turk jî beşdar civînê bûn. Bi taybeti mijara "Xweseriya Demokratîk" hate nîqaşkirin. Di civînêde li ser girîngiya kurdî jî hate sekinîn û hate xwestin ku êdî hemû xebatên xwe bi kurdî bidin meşandin. Mijara Xweseriya Demokratîk, wekî teorîk hate nîqaşkirin. Derbarê mijarê de biryara 2'yemîn komcivînên berfireh ji aliyê KCD'ê ve bên lidarxistin hate girtin.

Zimanê zikmakî daxwaza bingehîn de

Di civînê de ji bo zimanê zikmakî li her derê bibe serdest û pêş bikeve, biryara li her derê bê axaftin û di nava her qada jiyanê de bêaxaftin hate girtin. Hate xwestin ku ev biryar hem ji bo BDP'ê û hem jî ji bo KCD'ê derbas bibe û her kes zimanekê zikmakî serdest bikin.

Komcivînên makeqanûnê û civîn dest pê dikin

Têkildarî nîqaşên derbarê xebatên makekanûnê de jî, hate destnîşan kirin ku divê mijar ji rojevê neyê derxistin û BDP'ê dema biçe hilbijartinan bi makeqanûnek zelal derkeve pêşberî gel. Ji bo vê yekê jî Komîsyana Makekanûnê ya hatiye avakirin dê lezê bide xebatên xwe. BDP'ê encamên hevdîtinên derbarê mijarê yên bi rêxistinên civakî yên sivîl re li bendêye ku komcivîn û bernameyan çêke. Komîsyona Makekanûnê piştî civîna duh ji bo mijarê bike bername li Navenda Giştî ya BDP'ê civiya. Hevserokên BDP'ê jî beşdarî civînê bûn. Bi vê yekê re KCD'ê jî dê têkildarî makekanû xebatên xwe bidomîne û ji bo xebatên tên meşandin bên hevpar kirin dê pêşnûmeya makekanûnê bê derxistin. Li bendê ye ku pêşnûme di nava 2 mehan de bê zelalikirin û li ser vê pêşnûmeyê starta xebatên hilbajartinê bên dayîn.

BDP, muhalefeta xwe ya li dijî AKP'ê hişktir dike

Her wiha hevserokên BDP'ê derbarê detayên serdana Herêma Kurdistana Federal de û piştperdeya wê de beşdarên civînê agah dar kirin. Hevseroka KCD'ê Aysel Tugluk jî derbarê hevdîtinên Îmraliyê de agahî dan. Di civînê de nêrîna "devletê bernameyek pêk tîne, lê AKP jî bi giştî di pozîsyona astengiyan jê re derdixe deye" derket pêş. Hate destnîşan kirin ku di hilbijartinê de li hemberî AKP'ê helwesbt û muhalefetek hişk dê bê nişandin.