ROMA

Li paytexta Îtalya Romayê bi navê ‘Hêviya Azadiyê’ 3’yemîn Festîvala Sînemaya Kurd dest pê kir. Di festîvalê de dê gelek kurtefîlm û fîlmên metrajdirêj bên nîşandayîn.

Festîval ku ji aliyê Komeleya Lavente ya Ewropayê ve hat lidarxistin, gelek saziyên sivîl ve jî piştgirî didin wê.

Festîval duh, li Sînemaya Nuova belgefîlmê derhêner Bulent Gunduz "Evdalê Zeynikê" û kurtefîlmê derhêner Ayten Mûtlû yê bi navê "Zara" dest pê kir. Piştî pêşkêşkirin û temaşekirina her du fîlman, bi tevlîbûna gelek derhêner, siyasetmedar û parêzvanên mafê mirovan kokteylek hat dayîn û têde muzîk hat pêşkêşkirin.

Di festîvala ku dê 3 rojan bidome de, fîlm û belgefîlmên der barê pişavtina çand û zimanê kurdan de dê bên nîşandayîn. Her wiha bi beşdariya gelek derhêneran wê gotûbêj jî bêne lidarxistin.