Diyarname Di çarçovey tevdîrê qeybî vîrusê korona de Şaredariya Pîle ya Stenbolê

henî tevdîrî girotî. Şaredarê Stenbolê Ekrem Îmamoglu serê hesabê xo yê

twittera ra tevdîrê newey eşkera kerdî. Gorey na joy ra

- Qeybî teqsî, mînîbus jî miyan de 25 hezar erebey bêrê dezenfektekerdin

îstasyoney dezenfekteyî viraşte

- 35 ambulans û xebatkarê tenduristî yê şaredarî dest bi xebate kerdê.

- 462 bazaran de tenî go çî werî bêrê rotişî, ê bazarî jî yenê dezenfektekerdin.

- Şaredarî Stenbolê emsar biryar girot bî rocanê yene û şeme wezaîtî

24 saetan bixebetiyê, semedê vîrusî ene xebate peynî ene heftî yena betalkerdin.

- Çalakiyê çandî û hunerî hameybî betalkerdin, yînan ra henî go serê înternetî

ro bêrê pêşkêşkerdin. Şaredarî verî jî çende tevdînî eşkere kerdîbû û gorey înan ra jî vat bî ke

awey 50 hezar keyî ke hamiye girotişî go aw reyna veradê, qertên abonman

demê cê 31'ê adarî de qediyay ne, heta 30'ê nîsanî hame dergkerdiş,

heme endamê tenduristî go erebanê xo bê pere ISPARK de park bikerê

û xala bîn jî 31 adarî de go 3200 TL burs bidê 30 hezar wendoxî.

Reklamo bi kurdî

Heto bîn ro Şaredarî Stenbolî qeybî hişyarkerdinê vîrusê korona

reklam kerdo hedre. Eno reklam bi kurdî jî hame hedrekerdin û hame vilakerdin.

Xeynî reklamî, ÎBB'î bi kurdî, tirkî, îngilîzî, erebî û farisî ene mesela ser

afîşî viraştê û go rocanê verê ma de erebeyan ÎBB'î de bidaleqnê.