Cîhan Roj
Xwendevanên Diyarnameyê haydar in; Cemîl di dawiya her salê de lîsteya pirtûkên* derçûne diweşîne. Mala Xwedê ava ku sala çûyî jî di ser sedî re pirtûkên bi kurdî hatine weşandin. Li ber hezar û sed hezaran em dîsa jî mala Xwedê ava be, dibêjin!
Lê pirsa min ev e:
Gelo di sala du hezar û dehan de çend pirtûkên kurdî nehatin weşandin?
Derdê min ne ew e ku ez dersê bidim kesan, ne jî dixwazim ew peyva ku êdî nava dilê min jê diqulibe bikarbînim. (Peyv bi tîpa G…. dest pê dike)
Beriya çend rojan Mîr Qasimlo di qada facebookê de deng li nas û dostên xwe kir ku ew dixwaze ji bo romana xwe ya sêyemîn serî li weşanxaneyekî tirkî bide. Ji nas û dostên xwe alîkarî xwest da ew bibin qasid. Ev tinaz e (Rênas peyva ‘tinaz’ di dewsa îroniyê de bikartîne, ji ber ku li cî ye ez jî bikartînim) an rastiyek dine nizanim.
Lê tişta em giş jê haydar in ev e ku li ciyên roman lê geşbûne piştgiriya çîna navîn gelek muhîm bûye.
Em nebêjin bi sed hezaran, bila bi deh hezaran kesên wiha hebin; ew kes hem xwedî derfet in hem jî xwedî angaştan in lê ji wan deh hezaran ji salê carê hew pirtûkekê bikiriyana ne hewceyê pirsê bû bê gelo çend pirtûk nehatine weşandin.
.jpg)
.jpg)
.jpg)
.jpg)