AMED
Di doza dîrokî ya ku siyasetmedarên kurd têde têne darizandin de Şaredarê Êlihê Necdet Atalay li ser navê hemû siyasetmedarên kurd û aktîvîstên mafên mirovan ên girtî mafê axaftinê rgirt û got ku daxwaza wan a xweparastina bi kurdî neyê qebûlkirin ew ê beşdarî danişînan nebe. Paşê siyasetmedarên ku xwestin ji hêwana dadgehê derkevin, ji aliyê cendirmeyan ve hatin astengkirin.

Li 6’emîn dadgeha cezayê giran a Amedê di danişîna 18’emîna doza dîrokî de dîsa kurdî hebû. Li ser xwendina navên girtiyan hemû siyasetmedarên girtî bi kurdî gotin "Ez li vir im" û dûre xwestin bi kurdî parastinê bikin.

Şaredarê Êlihê Atalay li ser navê hemû girtiyên KCK’ê mafê axagtinê girt û got: “Doz, dozeke siyasî ye û 18 danîşînin daxwazên wan têne redkirin. Di dozê de gelê kurd tê darizandin û ew ê vê yekê qebûl nekin.”

Atalay diyar kir ku di darizandinê de jixwe pêdivî bi wan nîn e û wisa axivî: “ Heger wisa bidome em ê beşdarî danişînan nebin.”

Piştî axaftinê hemû girtiyan li çepikan xist û xwestin ji salonê derkevin lê cendirmeyan nehişt. Bi vê yekê de dadgehê navber da danişînê.
(Dema ev nûçe hate amadekirin, navber hê dom dikir)