Diyarname
Lîstika nû ya Şanoya DestAR "Bûka Lekî" derdikeve ser dikê. Lîstik balê dikişîne ser têkiliya bêwate ya mirovan.

Şanoya DestAR lîstikek din derxist ser dikê. Lîstikak bi navê "Bûka Lekî" ku silav ji bo Sadiq Hîdayet jî pêre şandiye nîşaneya "(16+)" danîne ser afîşê ku kesên temen bi ser 16'an de dikarin lê temaşe bikin.

Lîstika ku Mîrza Metîn nivîsandiye û derhêneriya wê kiriye Berfîn Zenderlioglu, Alan Ciwan, Sevgi Turan  têde lîstine.

Her ku teknolojî dikeve nav jiyana mirovan, şêweya jiyana mirovan jî diguhere. Wisa dibêje lîstik: “Berê wî ji min re helbest dixwend û dinîvîsand, piştî çû zanîngehê helbest bû name, paşê ew çû leşkerî name bû telefon, paşê telefon qut bû, facebookê dest pê kir. Paşê tu ji leşkeriyê hatî dengê te ji binî qut bû. Jiyana me bû wekî teraneyeke sanal û naylon. Min bêriya helbestên te kir.”

Heta niha gelek beşên hunerî li ser têkiliyên mirovan gelek tişt gotin. Bûka Lekî jî li ser dikê van gotinan dibêje. Ew balê dikişîne ser têkiliyên bewate yên mirovan. Lîstik di ser sê karakteran de bi awayekî absurd hatiye rêstin. Piştî wê trawmaya ku Mêrik derbas dike ji jiyana xwe ya rastî dûr dikeve, dergistiya Mêrik jî kesên din taklît dike û her tim dixwaze bibe wekî wan. Hevala wê jî  bi awayekî gêjokî derdora xwe temaşe dike… Û ev sê karakter li dora mankeneke bê can dibin yek.

Lîstik vê 19'ê adarê saet 20.30'yî de li Şermola Performans e.*

Kunye:
Derhêner: Mîrza Metîn
Nivîskar: Mîrza Metîn
Dramaturg: Arjen Arzen
Muzîk: Dodan
Ronahî: Alev Topal
Dekor: Metin Çelik
Cil û berg: DestAR
Cîgira Derhêner: Berfîn Zenderlioglu
Wêne: Azad Akturk
Lîstikvan: Berfîn Zenderlioglu, Alan Ciwan, Sevgi Turan
Lîstik/Oyun: 1 Perde 

*Ji bo kesên eleqedar nanîşan: İstiklal Caddesi İmam Adnan Nane Sok. No:5 Kat:2 Beyoğlu/ İst
Gsm : 0555 996 10 43