Diyarname
Serokê CHP'ê Kiliçdaroglu çû Amedê û ev not derketin pêş:

CHP tevî serokê xwe ev 9 sal bûn li Amedê mîtîngek li dar nexistibû. Serokê CHP'ê Kemal Kiliçdaroglu vê carê çû Amedê û mîtîngek ku li dor 2 hezar kesî lê amade bûn de axivî.

Vane hin not:
- Li balafirgehê Cîgirê Serokê Giştî yê CHP'ê Sezgin Tanrikilu û berendamên Amedê pêşwazî li Kiliçdaroglu kirin.

- Li qada mîtîngê pankartên bi kurdî jî hebûn, ala Tirkiyeyê jî. Pankarta herî balkêş bi tirkî wisa nivîsîbûn "Emê zagoneke bingehîn a azadîxwaz, a her kes beşdar bibe û wekhev amade bikin. Emê dawî li girtinên neqeq û ne adil bînin. Emê şertê xweseriyê ya rêveberiyên herêmî ya Yekîtiya Ewropayê qebûl bikin. Emê bendava sedî 10'î daxin."

- Kiliçdaroglu got: "Gotin pêşîlêvekirin, pêşîlêvekirin lê gel derebeyên xwe li hemberî wî girtin" û bi van gotinan bal kişand ser girtina derebeyan a kurdan ya li hemberî Erdogan.

- Bal kişand ser gotina Erdogan a bi rengê "Ezê Girtîgeha Amedê xira bikim û girtîgehek nû çêbikim" û wisa got: "Birê we Kiliçdaroglu soza çêkirina girtîgehê nade, soza çêkirina fabrîkeyê dide. Emê Girtîgeha Amedê bikin muze, emê bi paşeroja xwe re rû bi rû bibin, emê êşan par ve bikin."

- Kiliçdarolu li ser gotina Erdogan a bi rengê "Ez girîngî didim Amedê" jî wisag ot: "Ji bo Xwedê li Ameda ku gihîştiye serjimariya wê mîlyon û nîvekê balafirgeha sivîl heye? Çima li Amedê balafirgeheke sivîl tune ye. Hemû sozên ku ji bo we dabû bi avê de çûn. Pêşî fabrîkeyên ku hatine girtin ezê vekim. Ezê Başûr, Başûrêrojhilat bikim navenda neftê. Li vir dê fabrîke hebin, mirov bi keda xwe dê bixebitin. Li vê derê mirov êvaran bi aramî dê herin mala xwe."