Diyarname

Di miyanê kayey fûtbolî de eno hefte çende maçê muhîmî estê. Ma ê qeybî şima day pêser...

BUNDESLIGA

Di Bundeslîga ya Almanya de di tîmê alman ê pîlî têdir kay kenê. Bayer Munih ke ene lîge de tîmo tewr pîl o beno meymanê tîmê Borussia Dortmundî. Dortmund jî merdim eşkeno vaco tîmo diyin ê pîl ê Almanya wo. Par Bayer Munih bî şampiyon, Dortmun di rêzey diyinan de bî.

Maçey wirdî tîman 7'ê aşme (eyro) saete 20.30 de dest pa kena.

PREMIER LIG

Di Lîgey Premier ay Îngilistanî de jî di tîmê pîlî yenê hemberê jobînî. Şampiyonê parî Liverpool, diyinê parî û şampiyonê pêrarî Manchester City têder go kay bikerê. Emsar jî wirdî verendamê şampiyoniyê.

Maçey înan Manchester de wa: 8'ê aşme, saete 19.30 de go kay bikerê.

SERI A

Di Serî A ay Îtalya de jî Lazio û Juventus têde kay kenê. Wirdî jî tîmê pîlî yê Îtalyayê. Par Juventus bî şampiyon (83 pûanî), Lazio bi 5 pûan dimay ê di rêzey çarinan de ca girot. 

Maçey wirdî tîman 8'ê aşme saete 14.30 de Lazio de yena keykerdişî.

LIGUA 1

Di Ligue 1 ay Fransa de jî tîmê PSG û Rennes yenê hemberê jobînî. PSG par şampiyon bî û emsar jî enka di rêzey joyînan de wo, Renness par di rêzey 3'inan de sere temam kerd, emsar zî enka rêzey 3'nan de wo. Pûanê PSG 21, yê Rennesî 18'ê. Lille bi 19 pûanan diyon o. Rennes bi ser biko pûanê ê û PSG'î beno jo.

Maçey wirdînan eyro (7'ê aşme) saete 23.00 de wa.