Diyarname
Kevok Mizgîn pirtûka xwe ya helbestan a sisêyan derxist. Pirtûka wê ya bi navê "Hestên pîroz" ji Nûbiharê derket.
Helbestvan Kevok Mizgîn di sala 2008'an de dest bi nivîsandina helbestan kiriye. Pirtûka wê ya yekem bi navê "Kulîlka Evîna Bêdeng" di sala 2018'an, ya duyem jî bi navê "Stêrka Evînê" di sala 2021'ê de ji Nûbiharê derketibû.
Niha jî wê bi "Hestên Pîroz" silav li xwendevanan kir. Kevok Mizgîn bi helbestên xwe yên naîf hem evîn û evîndariyê li ber dilê xwendevanan watedar û şîrîn dike û hem jî xwendevan ji wê sekn û helwesta nelirê ya li hember xwezayê diparêze û pirek kahîm di navbera xwendevan û xweza û dil de ji nû ve ava dike.
Kevok Mizgîn kî ye?
Helbestvan Kevok Mizgîn roja 13'ê sermaweza 1977'a li Êlihê hatiye dinê. Kevok Mizgîn dibistana fermî ji derve heya dibistana navîn xwendiye. 
Mizgîn li Kurdî-Der, Komeleya Mereto û li Enstîtûya Stenbolê heya asta mamosteyiyê perwerdehiya zimanê kurdî stendiye. Ew niha li Êlihê dijî.
Pirtûkên wê ev in:
- Evîna Bêdeng, 2018
- Stêrka Evînê, 2021
- Hestên Pîroz, 2024

Hestên Pîroz / Kevok Mizgîn / Nûbihar / Helbest / 2024 / 74 rûpel