Saet 19.30
Û 46'emîn Serokdewletê DYA'yê Biden e

Piştî gelek jimartin û xireciran di encamê de Serokdewletiya Joe Biden ê berendamên Partiya Demokratan hat ragihandin. Li gor AP'yê Biden bi 284 delegeyan ji bo Serokdewletî hat hilbijartin. Trump di 214 delegeyan de ma. Piştî demek agahî hat nûkirin û hejmar bû 290.
Piştî eşkerekirina nûçeya jor bi demekê agahî hat nûkirin û AP'yê diyar kir ku hejmara delegeyên Biden bi dest xistine 290 in. Û nûçeyê ragihand ku hê eyaletek din jî maye. Li eyaleta Georgia hê jî deng têne jimartin û bi delegeyên wê derê jî dê hejmara delegeyên Biden bibe 306. 
Harras jî bû cîgira yekem a reşik
Li aliyê din li DYA'yê Cîgiriya Serokdewletan jî muhîm e, loma di dema kampanyaya hilbijartinê de berendam cîgirên xwe jî eşkere dikin. Biden ji bo Cîgiriya xwe Kamala Harris eşkere kiribû. Bi serketina Biden re Harris bû yekemîn jina cîgir a Serokdewletê DYA'yê ji ber ku heta niha qet jinek nebûbû cîgir. Ew bû yekem cîgira reşik a Serokdewlet, yekem cîgira bi eslê xwe hindî.
Danberheva hilbijartina 2016-2020'an
Di hilbijartina 2016'an de hin cihên ku Hillary Clinton nekarîbûn bi dest bixe Biden bi des xistin. Eyaletên wekî Wisconsin, Michigan, Pensilvanya, Arîzona di vê hilbijartinê de ji destê Komarparêzan ketin destê Demokratan. Di wê hilbijartinê de Clinton 232, Trump 306 delege bi dest xistin. (Fotoyê jêr aîdê 2016'an e) Li aliyê din hê encam bi awayekî fermî nehatibe eşkerekirin jî Biden ji hemû berendamên hilbijartinên din ên ku serketine, ji wan hemûyan zêdetir deng girtine.

Erê, hilbijartina li DYA'yê gelek bi qayişkêşanê didome. Erê heta kêliya dawî jî nediyar e dê Biden an Trump bi ser bikeve lê 4 eyalet dê encamê nîşanî me bidin.

Dengdana ji bo hilbijartina serokdewletî ya DYA'yê (Dewletên Yekbûyî yên Amerîkayê) 3'yê mehê dest pê kirin. Berî wê hinên bi posteyê dengên xwe şandin jî hebûn ku li DYA'yê ev pergal heye. Niha jixwe ew tên jimartin û ew encamê dê biguherînin.

Di roja 3'yê mehê li gor encamên ne fermî yên piştî dengdanê derdiketin pêş Biden li pêş bû lê bi ser ketin nîn bû. Paşê li hin eyaletên ku Trump li pêş bû jî her ku dengên bi postayê hatin şandin hatin jimartin rewş guherî û Biden derket pêş. Bi vî awayî çend eyaletên din jî îhtîmal e Biden bi dest bixe. Jixwe ji wan kîjanê bi dest bixe dê hema serokdewletiya xwe eşkere bike.

REWŞA NIHA 

Rewşa niha li ser 4 eyaletan e. Biden niha wxwedî 253 delegeyan e û Trump xwedî 214 delegeyan e. Ne bi dengên kî zêde girtine bi yê 270 delegeyan bi dest bixe dibe Serokdewletê DYA'yê.  Ew eyaletên niha dê qedera hilbijartinê biguherînin bi vî rengî ne:

- ARIZONA, 11 delege lê hene

Biden: Sedî 49.7 - 1,604,067 deng

Trump: Sedî 48.8 - 1,574,206 deng

Sedî 90 deng hatine jimartin

- PENSILVANYA, 20 delege lê hene

Biden: Sedî 49,6, 3.336.887 deng

Trump: sedî 49,1, 3.308,054 deng

Sedî 96 deng hatine jimartin

GEORGIA, 16 delege lê hene

Biden: Sedî 49,4, 2.461,455 deng

Trump: Sedî 49,3, 2.454,207 deng

Sedi 98 deng hatine jimartin

NEVADA: 6 delege lê hene

Biden: Sedî 49,8, 632,558 deng

Trump: Sedî 48, 609,901 deng

Sedî 93 deng hatine jimartin

Notek: Heta niha her tê gotin Biden 264 delege bi dest xistine, hê jî tê gotin, ji ber Arîzo lê dihat hesibandin wisa dihat gotin. Wekî notek din, dema ev hesab dihat kirin Pensilvanya û Georgia di destê Trump de dixuyan, paşê wan dest guhart, loma destê Biden xurtir bû.

Bi kurtahî; wisa diyar e di nav du rojan de dê encam diyar bibe. Lê çapemeniya dinyayê jî hêdî hêdî nîşan dide û texmînan dike ku ji niha û pêde dê Biden winda neke.

'EV DENG JI ÊN HEMÛ BERENDAMAN ZÊDETIR IN'

Li aliyê din berendamê Partiya Demokratan Joe Biden li Delaware ku ji wir encaman dişopîne axivî û got: "Li eyaletên deng didan Komarparêzan jî em li pêş in. Piraniyeke zelal, neteweya Amerîkayê piştgiriya me dike. Hejmar li holê ne, emê di hilbijartinê de bi ser bikevin. Bi ser 74 mîlyonî de deng dane me. Di dîroka hilbijartinên ji bo serokdewletî yên Amerîkayê de dengên ku niha me girtine ji dengên ku dabûn berendamên berê, ji yên hemûyan zêdetir in."

**

Nûçeyên Eleqedar:

-  Li DYA'yê rewşa dawî (Hemû serokên heta niha bi ser ketine û notên nû)

- Hilbijartina DYA'yê: Hemû Agahiyên 3 û 4'ê mehê)

- Li ser hilbijartina DYA'yê çend not (Notên heta roja hilbijartinê)