Diyarname

Ji Wîetnam, Japon û Fransayê, sê nûçeyên cuda, sê nûçeyên ku îro derketine pêş.

Wîetnamê Facebook tehdîd kir

Li gor nûçeya Reutersê Hikumeta Wîetnamê ji Facebookê re gotiye yan tuyê naverokên siyasî sansur bikî yan jî ewê platformê bigirin ûnehêlin gel xwe bigihîne Facebookê. Nûçe dibêje di meha avrêlê de Facebookê hin daxwazin bi vî rengî  anîbû cih lê paşê daxwazên sansurê yên hikumetê zêdetir bûbûn. Ji Facebookê rayedarek ragihandiye ku Facebookê gotina xwe aniye cih lê hikumetê zêdetir tişt daxwaz kirine loma facebookê gotiye na.

Wîetnam ji aliyê azadiya ramanê û azadiya çapemeniyê ve di nav lîsteya Rêxistina Rojnamegerên Sînornenas de di rêzên dawî de ye.

Google ligel 6 saziyên fransiz li hev kir

Le Monde û Le Figaro jî di nav de Goole ligel şeş rojname û kovarên li Fransayê peymana telîfê girê da. 

Di meseleya lêgerîn û bikaranîna agahiyan de heta niha Google mafê wan nedida, lê li gor vê peymanê Google êdî dê li gor zêdetir an kêm lêgerina agahiyan dê mafê telîfê bide van saziyan. Google niha dike ku ligel saziyên din jî li hev bike. 

Beşa "Goole News Showcase" heye ku cih dide nûçeyan. Google ji bo vê beşê li Almanyayê ligel hin saziyan li hev kiribû.

Saziyên Japon dê pereyên dîjîtal biceribînin

Li Japonyayê ji 30'î zêdetir kompanî biryar girt ku sala pêşiya me bikaranîna pereyên dîjîtal biceribîne. Japon piranî pereyên xwe wekî nakît li cem xew digirin. Niha ev sazî dixwazin bi vê gavê gel bikişînin nav û ji bo vê saziyan li hev kir. Di nav van saziyan de sê bankeyên mezin ên welat û kompaniyên telekomunasyonê jî hene.

Li Japonyayê hin saziyên wisa hene lê bi têra xwe bi ser neketine. Berdevkê vê koma niha Hiromi Yamako wisa gotiye; "Em naxwazin platformeke nû ya dîjîtal a bikaranîna dan û standinê pêk bînin. Em dixwazin çarçoveyek saz bikin ku gelek platformên dîjîtal bi hev re bidin û bistînin. Ji bo Yenê Dîjîtal bê sazkirin emê berpirsî bidin bankeyên taybet lê  pêşî li saziyên din nehatiye girtin ku ew jî Yena Dîjîtal çêbikin yan na."

Li Japonyayê tenê sedî 20 di dan û standinê de amûrên dîjîtal bikar tînin. Li DYA'yê ev sedî 45, li Çînê sedî 70 ye.

Rayedarên Japon dibêjin hem ji bo pêşî li aboriyê netomarkirî bigirin, hem karên fînansî hêsantir bikin hem jî rê li ber  pêşketinê vekin.