Diyarname

Li Stenbolê ji serê sibê de gel ber bi qada Yenîkakapiya Fatîha Stenbolê ve kete rê. Saet 11'an de be coş Newroza Stenbolê dest pê kir.

Amadekarên Newrozê pankartên bi 9 zimanan Newroz Pîroz be li ser nivîsî bû li platformê daliqandin. Gel bi cil û bergên neteweyî li qadê de cih girt. Diruşmên azadiyê, piştgiriya ji bo grevên birçîbûnê yên li girtîgehan, bertekên dijî girtina HDP'ê û betalkirina mebûsiya mebûsê HDP'ê Omer Faruk Gergerlioglu derketin pêş.

Hevrserokên HDP'ya Stenbolê Erdal Avci û Elif Bulut axivîn û paşê agirê Newrozê pêxistin.  

Hevserokê HDP'ê yê berê Selahattin Demîrtaş ji girtîgehê peyamek şand. Peyama wî bi coş hat pîrozkirin. Mebûsê HDP'ê yê berê Sirri Sureyya Onder derket ser dikê, Newroz pîroz kir. Dûre Hevseroka HDP'ê Pervin Buldan jî derket ser dikê û axivî. Buldan ligel navên Selahattin Demirtaş, Figen Yuksekdag, Gulten Kişanak, navê mebûsên din ên HDP'ê yên girtî bibîr anî û got ku min silavên wan ji bo we anîn.
Buldan got ku Newroz ne tenê destpêka biharê ye, Newroz nasnameya me bi xwe ye.

Hunermend Rûken Yilmaz jî bi stranên xwe coş da gel.