Diyarname

Li Tirkiyeyê îro rojnamegeran ne nûçe çêkirin, ew bixwe bûn mijara nûçeyan. Vane 3 jê ji Tirkiyeyê, yek jî DYA'yê, 4 nûçeyên li ser rojnamegeran:

TGC'ê endamtiya Ozişik betal kir

Çend roj berê derketibû holê ku rojnameger Hadi Ozişik ligel Sedat Peker ê ku wekî berpirsê rêxistina sûckar tê tawanbar kirin hevdîtinên ji dil pêk anîne. Ozişik ne wekî rojnaemgerekî lê wekî hevalê wî, wekî navbeynkarekî tevgeriya bû. Li ser vê yekê gelek kesan giliyê Ozişik li cem TGC'ê (Cemiyeta Rojnamegerên TirkiyeYê) kiribû û daxwaz kiribû ku endamtiya wî ya TGC'ê bê betalkirin. Lijneya Rêveberiyê ya TGC'ê roja 20'ê gulanê li hev civiya. TGC'ê bi sedema ew li gor Rêziknameya Berpirsiyarî û Mafê Rojnamegerên Tirkiyeyê tevnegeriya ye bi yek dengî endamtiya wî betal kir.

Nûçegîhanê AA'yê hat qewirandin

Nûçegîhanê AA'yê (Ajansa Anadoluyê) piştî ku di civîna çapemeniyê de ji wezîran pirs li ser Wezîrê Karên Hundir ê Tirkiyeyê pirsîn, ajansê peymana nûçegîhan Musab Turan betal kir û ew qewirand. Nûçegîhan pirsa têkiliya wezîran û ya Sedat Peker pirsî bû.

Ozişik dawî li nivîsên xwe anî

Birê Hadî Ozişik Suleyman Ozişik ku wî jî ligel Peker têkilî danî  bû, ev yek eşkere bûbû, îro dawî li nivîsên xwe anî. Ozişik di rojnameya Tirkiyeyê de dinivîsand û di nivîsa xwe ya îro de diyar kir ku ew dê êdî nenivîse.

AP'ê jî ew qewirand

Li DYA'yê jî Associated Pres (AP) ya Amerîkayê nûçegihana xwe Emily Wilder ji kar qewirand. AP'ê bi e-postayeke ev yek ragihand hemû xebatkarên xwe. Hat gotin ku nûçegîhan Emily Wilder êrîşa Îsraîlê ya li Şêx Cerrah û helwesta çapemeniyê di tora civakî de rexne kiriye, ji ber vê yekê hatiye qewirandin. Piştî qewirandinê Wilder ji bo Washington Postê gotiye ku AP'ê bi sedema ku wê rêgezên bikaranîna tora civakî yên saziyê binpêkirine peymana wê hatiye betalkirin.